दर्शकका माझमा आयो चलचित्र ‘हर्ष’

शुक्रबारदेखि एकता पौडेलको डेव्यु निर्देशनमा बनेको नेपाली चलचित्र ‘हर्ष’ प्रदर्शनमा आएको छ।

पारिवारिक कथालाई केन्द्रमा राखेर निर्माण भएको हर्षले देशभर करिब १०० शो पाएको छ । चलचित्रमा खगेन्द्र र वर्षासहित निर शाह, सन्तोष पन्त, शर्मिला मल्ल, माओत्से गुरुङ, विशाल पहाडी, निमा पाण्डे, लुनिभा तुलाधर, अंशु महर्जन, रेनु प्रधान, सुवर्ण थापा, श्रृष्टि महर्जन, सिर्जना नापित र बालकलाकार साइमन वादीको अभिनय छ।

अष्टलक्ष्मी प्रोडक्सन्स् र ई प्राईम मुभिजको ब्यानरमा निर्माण भएको चलचित्रको कथा स्वयं निर्देशक पौडेलको हो। चलचित्रको बुधबार प्रिमियर शो गरिएको थियो ।प्रिमियरमा उत्कृष्ट प्रतिक्रिया पाएको चलचित्रले दर्शकबाट पनि राम्रो प्रतिक्रिया पाउने अपेक्षा निर्माण युनिटको छ । निर्देशक पौडेल पुराना निर्देशक शिव रेग्मीकी भान्जी हुन्।

न्यूयोर्क फिल्म एकेडेमीमा सिनेमा मेकिङ अध्ययन तथा आमसञ्चारमा स्नातक र व्यवस्थापन तथा नेतृत्व विषयमा स्नातकोत्तर गरेकी निर्देशक पौडेलले यसअघि केही छोटा चलचित्रमा समेत निर्माण गरेकी छन्।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।