आफ्नै कार्यकर्ताले भने, ‘ओलीमाथि पार्टीले कार्वाही गर्न सक्नुपर्छ’

नेपाल कम्युनिष्ट पार्टी (नेकपा)का एक कार्यकर्ताले प्रधानमन्त्री एवम् नेकपा अध्यक्ष केपी शर्मा ओलीलाई पार्टीले कार्वाही गर्नुपर्ने बताएका छन् । नेकपा जिल्ला कमिटी कास्कीका सचिवालय सदस्य जनकराज पराजुलीले सामाजिक सञ्जाल फेसवुकमा स्टाटस लेख्दै भारतीय गुप्तचर संस्था ‘रअ’ प्रमुख सामन्तकुमार गोयलसँग प्रधानमन्त्रीको भेटले राष्ट्रियता र स्वाधिनतामाथि नाङ्गो हस्तक्षेप भएकाले पार्टी अध्यक्षसमेत रहेका प्रधानमन्त्री ओलीलाई पार्टीले कार्वाही गर्न सक्नुपर्ने बताएका हुन् ।

https://m.facebook.com/story.php?story_fbid=3869736896369895&id=100000008677687

प्रधानमन्त्रीले गम्भीर गल्ती गर्नु भएको छ,‘उनले फेसवुक स्टाटसमा अगाडि लेखेका छन्,‘उहाँले गरेका गल्तीप्रति नेपाली जनता र पार्टी कमिटीमा आफ्नो कमजोरी स्वीकार गर्नुपर्छ, होईन भने पार्टीले उहाँलाई कार्वाही गर्न सक्नुपर्छ ।’ उनले ‘रअ’ प्रमुखसँगको भेटलाई सामान्य मान्न नसकिने बताएका छन् ।

पराजुलीले पार्टी एकीकरणपछि केहि लोभीपापीहरुले ओलीबिरुद्ध आवाज बुलन्द गर्न नसकेको आरोप लगाएका छन् । अरु त अरु हिजो जनयुद्ध लडेर आएकाहरुलेसमेत भोलि केहि पाईहालिन्छ कि भन्ने आश गरेर बस्दा आवाज कमजोर भएको छ,‘एभरेस्ट आवाजसँगको संक्षिप्त कुराकानीमा उनले भने‘तर आफूलाई त लोभ छैन, देश र जनताको हित र भलोका लागि बोलिरहन्छु ।’ उनले जोकोहिलेपनि गलतलाई गलत र सहिलाई सहि भन्न सक्नुपर्ने बताए ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।