गण्डकी प्रदेशमा आज पनि हल्का वर्षाको संभावना

फाइल तस्बीर

न्यून चापीय क्षेत्रको प्रभावका कारणले गण्डकी प्रदेशमा आज (मंगलबार) पनि हल्का वर्षाको संभावना छ।

गण्डकी प्रदेश, बागमती प्रदेश र सुदूरपश्चिम प्रदेश लगायत देशका धेरै जसो क्षेत्रमा मौसम बदली हुने र हल्का वर्षा समेत हुनसक्ने जल तथा मौसम विज्ञान विभागले जनाएको छ।

विभागका अनुसार यि क्षेत्रको केही स्थानहरुमा अहिले पनि हल्का वर्षा भइरहेको छ। पश्चिमी वायु र भारतको विहार आसपासको क्षेत्रमा बनेको न्यून चापीय क्षेत्रको प्रभावका कारण हल्का वर्षाको संभावना रहेको विभागले जनाएको हो।

पश्चिमी वायुका साथै स्थानीय वायु र भारतको विहार आसपास बनेको न्यून चापीय क्षेत्रको सामान्य प्रभाव रहेकाले ठूलो वर्षाको संभावना नरहेको विभागले जनाएको छ।

देशका अधिकांश भूभागमा सामान्य बदली रहनेछ। देशभर केहि स्थानहरूमा मेघगर्जन र चट्याङ्ग हावाहुरीसहित हल्का वर्षाको सम्भावना रहेको पनि विभागले जनाएको छ। बुधबार र बिहीबार पनि देशका धेरैजसो ठाउँको मौसम बदली हुनुका साथै हल्का वर्षाको संभावना रहेको विभागले जनाएको छ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।