आज (बिहीबार) देखि राष्ट्रिय क्रिकेट खेलाडीको बन्द प्रशिक्षण सुरु हुँदैछ।
नेपाल क्रिकेट संघ (क्यान) ले युवा ओपनर रित गौतमसहित ५ खेलाडीलाई राष्ट्रिय क्रिकेट टोलीको बन्द प्रशिक्षणमा बोलाएको छ।
यसअघि, गएको शुक्रबार प्रशिक्षणमा बोलाइएका २२ खेलाडीमध्ये १६ जनाको पीसीआर परीक्षण गर्दा ३ जनामा कोरोना पोजेटिभ देखिएपछि क्यानले ५ खेलाडी बोलाउने निर्णय गरेको हो।
क्यानले रितसँगै अर्का युवा विकेटकिपर तथा ओपनर अनिलकुमार शाह, आक्रामक ब्याट्सम्यान कुशल भुर्तेल, युवा ब्याट्सम्यान लोकेश बम र तीब्र गतिका बलर बिक्रम शोबलाई बन्द प्रशिक्षणमा थप्ने निर्णय लिएको हो।
पछि बोलाइएका ५ खेलाडी यसअघि बोलाइएको बन्द प्रशिक्षणमा अटाएका थिएनन्।
कप्तान ज्ञानेन्द्र मल्लसँगै उप कप्तान दीपेन्द्र सिंह ऐरी, युवा ब्याट्सम्यान रोहितकुमार पौडेल र चालक प्रदीप लामामा कोरोना संक्रमण पुष्टि भएको क्यानले जनाएको छ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा । नेपाली कांग्रेसको १५औँ महाधिवेशनमा कास्की क्षेत्र नं. २ बाट खुलातर्फ…
