बुद्ध विशालबजारमा व्यवसाय गर्ने महिला व्यवसायीहरुको दिदीबहिनी समूहले तीज पर्वका लागि छुट्याएको रकम रसुवा, भोटेकोशी नदीमा आएको विनाशकारी बाढीबाट प्रभावितहरुलाई सहयोग गरेका छन् ।
दिदीबहिनी समूहले देश नै शोकमा परेको अवस्थालाई मध्यनजर गरी यो वर्ष तीज कार्यक्रमको आयोजना नगर्ने र सो कार्यक्रमको लागि छुट्याएको र५१ हजार १११ रुपैयाँ प्रधानमन्त्री राहत कोषमा जम्मा गरेका हुन् । रसुवा, भोटेकोशी नदीमा आएको भीषण बाढीका कारण रसुवालगायत नदी तटीय क्षेत्रमा ठूलो जनधनको क्षति भएको तथा उद्धार, राहत र पुनःस्थापनाको आवश्यकता बढिरहेको अवस्थामा पर्व मनाउने खर्चलाई आपत–विपदमा परेका नागरिकको सहयोगमा समर्पित गर्ने निर्णय गरिएको ए एन मोनालिसा सपिङ सेन्टरका संचालिका इन्द्रमाया गुरुङले बताइन् ।
दिदीबहिनी समुहले गरेको यस कार्यले सामाजिक उत्तरदायित्व र मानवीय सेवाप्रतिको प्रतिबद्धतालाई समेत उजागर गरेको छ । समूहले बाढी प्रभावित नागरिकको शीघ्र उद्धार, राहत तथा पुनःस्थापनाको काम प्रभावकारी रूपमा अघि बढोस् भन्ने कामना गर्दै विपद्को यस घडीमा सबैलाई आ–आफ्नो क्षेत्रबाट सहयोग गर्न समेत आग्रह गरेको छ ।।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा–७, मासवारस्थित मदरल्याण्ड माविमा गणित हाजिरीजवाफ प्रतियोगिता आयोजना गरिएको छ । कक्षा…
