हाम्रो प्रतिबद्धता : ‘सन्तुलित समाचार, खरो बिचार’

बिश्वब्यापी रुपमा महामारीको रुपमा फैलिएको कोरोनाको कहरका कारण उत्पन्न प्रतिकुलताका बिच पनि ‘सन्तुलित समाचार, खरो बिचार’ मूल मन्त्रका साथ नयाँ सञ्चार यात्रा शुरु गरेको खबर सुनाउन पाउँदा हामीलाई गर्व लागेको छ ।

रेडियो पत्रकारितामा दुई दशक लामो समय बिताएपनि कोभिड–१९, परम्परागत मिडिया र न्यू मिडिया (डिजिटल) बिचको ‘डिमार्केसन’ हो भन्ने हाम्रो बुझाई छ । त्यसैले मिडियाको ‘फम्र्याट’, प्रसारण मोडालिटी र ‘कन्टेन्ट’ रुपान्तरणका लागि कोभिड–१९ एउटा अवसर हो भन्ने हामीले ठानेका छौं । परम्परागत मिडियाले बदलिदो परिस्थितिलाई आत्मसात् गर्न सक्दैन । हामी रुपान्तरण हुनै पर्छ भन्ने निस्कर्षको प्रतिफल हो एभरेस्ट आवाज । जहाँ हामी प्रविधि, कन्टेन्ट र प्रस्तुतिको ईन्द्रेणीले हाम्रा श्रोता दर्शक र पाठकको मन छुन चाहन्छौं । हामी हिजोको अनुभवको ब्याजमा रमाउनु भन्दा शून्यबाट नयाँ ढंगको यात्रा शुरु गरेर शिखर चढ्न चाहन्छौं । हामीलाई थाहा छ यो यात्रा त्यति सहज छैन । हामी आफैले रोजेको यो यात्रा उतार चढावका बिचपनि निरन्तर अगाडि बढ्नेमा ढुक्क छौं । समयक्रममा फेरिन नसक्ने बिचार÷प्रविधि अन्ततः एक दिन डाइनासोर झैं बिलुप्त हुनेमा कुनै शंका छैन । त्यसैले नयाँ डिजिटल पुस्तालाई समाजसँग सम्वाद, सहकार्य र सम्बन्ध स्थापित गराउन हामी सेतु बनेर आएका छौं । हामी तपाईंलाई नवीन र सन्तुलित समाचार त पस्कन्छौं नै त्योसँगै विविध थरि ‘अर्गानिक’ बिचारपनि पस्किएर जिम्मेवार बन्न÷बनाउन प्रेरित गर्नेर्छौं ।

टिम एभरेस्ट परिपक्व सामाजिक अभियन्ताको नेतृत्वमा संगठित परिवर्तनलाई आत्मसात् गर्ने व्यावसायिक पत्रकार र सामाजिक गतिविधिमा संलग्न युवा उद्यमीहरुको संकटले स्वतः स्फुर्त जुटाएको जुझारु टिम हो ।

भनिन्छ लिडर त्यो हो,’जसले प्रतिकुल परिस्थितिलाई पनि अनुकुल बनाउने हिम्मत जुटाउँछ’ । हामीले त्यही मन्त्रलाई आत्मसात् गर्दै संकटका कारण ब्याप्त अन्यौल र निरासालाई आशामा बदल्ने कोशिस गरेका हौं । हामीलाई विश्वास छ हाम्रो यस प्रयासले अहिलेको घडिमा आशाको सानो भए पनि दियो जगाउने छ ।

दुई दशकको पत्रकारिताको अनुभवले हामीले बुझेका छौं पत्रकारिता पेशा हैन, यो त समाज, नागरिक र देशका लागि गरिने निशर्त सेवा हो । एउटा गुरुत्तर जिम्मेवारी हो । आवाज बिहिनको आवाज हो । विकृति र बिसंगति बिरुद्दको निरन्तर खबरदारी हो । हामी निरपेक्ष पत्रकारितामा विश्वास गर्दैनौं । पत्रकारिता समाजका लागि हो र त्यो संघीय लोकतन्त्रिक गणतन्त्र, प्रेस स्वतन्त्रता, सुशासन÷समृद्धिका लागि हुन सक्नु पर्दछ भन्ने मान्यता राख्छौं । हामी समस्याको पोको मात्र छताछुल्ल पार्दैनौं । त्यससँगै समाधानको उपाय पनि सुझाउने पत्रकारिताको लय समात्न चाहन्छौं । यसैले हामी यो यात्रालाई सार्थक बनाउन तपाईंको समसाथ, रचनात्मक सुझाव, आवश्यक सहयोग र सदैव सद्भावको अपेक्षा राख्दछौं ।

हामी पत्रकारिताको विश्वब्यापी मान्यता, आचारसंहिता र नागरिक अपेक्षालाई शिरोधार्य गर्दै काँधमा जिम्मेवारी, भावनामा ईमान्दारी, मस्तिष्कमा समझदारी र कार्य क्षेत्रमा साझेदारी गर्दै जिम्मेवार पत्रकारिता गर्ने प्रण गर्दछौं ।

शुभारम्भको यस घडिमा नजिकै आईरहेको नेपालीहरुको महान पर्व बडादशैं, तिहार, नेपाल सम्वत्, छठलगायत सम्पूर्ण पर्वहरुको यहाँहरुलाई शुभकामना ब्यक्त गर्दछौं । कोभिड–१९ का कारण मानव जीवननै संकटमा परेको यो बेला हाम्रा चाड पर्वहरु संक्रमणका कारक नबनून् । हामी स्वस्थ रह्यौं भने अर्को वर्ष हाँसी खुसीसाथ हर्षोल्लासपूर्वक मनाउँला । त्यसैले सुरक्षित रहनु होला, जिम्मेवार बन्नुहोला । सबैको जय होस् ।

कर्म कुमारी गुरुङ / अध्यक्ष

दीपेन्द्र श्रेष्ठ / सम्पादक

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।