पोखरामा १३३ सहित गण्डकी प्रदेशमा २७९ संक्रमित थपिए, १४५ जनाले जिते कोरोना

गण्डकी प्रदेशमा विहीबार २७९ जना कोरोनाका नया संक्रमित थपिएका छन् । पछिल्लो २४ घण्टामा कास्कीसहित प्रदेशका ११ जिल्लामा सो संख्यामा कोरोना संक्रमित थपिएको गण्डकी प्रदेश स्वास्थ्य निर्देशनालयले जनाएको छ ।

गण्डकी प्रदेशको राजधानी पोखरामा पछिल्लो २४ घण्टामा १३३ जना नया संक्रमित थपिएका छन् । पछिल्लो समय पोखरा कोरोनाका लागि हटस्पट नै बनेको छ । त्यस्तै नवलपुरमा आज एकैदिन १०९ जना नया कोरोना संक्रमित थपिएका छन् ।

यसैगरी, तनहुँमा १३, पर्वतमा १४, गोरखामा ४, लमजुङ, बागलुङ र स्याङ्जामा २÷२ जना नया कोरोना संक्रमित थपिएको निर्देशनाले जारी गरेको विज्ञप्तीमा जनाइएको छ ।

गण्डकी प्रदेशमा विहीबार १४५ जनाले कोरोना जितेका छन् । उनीहरुको रिपोर्ट नेगेटिभ आएको निर्देशनालयले जनाएको छ ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।