कास्कीमा ४१ सहित गण्डकीमा कोरोनाले मृत्यू हुनेको संख्या १०० पुग्यो

गण्डकी प्रदेशमा विश्वब्यापी महामारीका रुपमा फैलिएको नोभल कोरोना भाईरस (कोभिड–१९) ले मृत्यू हुनेको संख्या १०० पुगेको छ । पछिल्लो २४ घण्टामा कोरोनाले ४ जनाको ज्यान गएसँगै गण्डकी प्रदेशमा कोरोनाले मृत्यू हुनेको संख्या १०० पुगेको गण्डकी प्रदेश स्वास्थ्य निर्देशनालयले जनाएको छ ।

पछिल्लो पटक गण्डकी प्रदेशको पोखरा महानगरपालिका वडा नम्बर १० का ५७ वर्षिय कोरोना संक्रमितको मृत्यू भएको जनाइएको छ । पोखरा स्वास्थ्य विज्ञान प्रतिष्ठान अन्तर्गतको पश्चिमाञ्चल क्षेत्रीय अस्पतालमा उपचाररत उनको गएराती ११ः३० मा उपचारकै क्रममा मृत्यू भएको स्वास्थ्य निर्देशनालयले जनाएको छ । उनलाई कात्तिक २ गते कोरोना संक्रमण पुष्टि भएको थियो ।

त्यस्तै, पोखराका एक बालकको पनि मृत्यू भएको छ । पश्चिमाञ्चल क्षेत्रीय अस्पतालमै उपचाररत उनको गएराती १०ः१५ बजे उपचारको क्रममा मृत्यू भएको निर्देशनालयले जनाएको छ । उनमा निमोनियाको समस्या थियो ।

पोखरा १७ का ७५ वर्षिय पुरुषकोपनि कोरोनाले मृत्यू भएको छ । गण्डकी मेडिकल कलेजमा उपचाररत उनको आज विहान ९ बजे मृत्यू भएको निर्देशनालयले जनाएको छ । उनलार्य कात्तिक १४ गते कोरोना पुष्टि भएको थियो ।

यसैगरी, बागलुङ जिल्ला जैमिनी नगरपालिका वडा नम्बर ९ का २९ वर्षिय पुरुषकोपनि कोरोना संक्रमणबाट मृत्यू भएको छ । पोखरा स्वास्थ्य विज्ञान प्रतिष्ठानको पश्चिमाञ्चल क्षेत्रीय अस्पतालमा उपचाररत उनको आज विहान ८ः५० बजे उपचारको क्रममा निधन भएको निर्देशनालयले जनाएको छ । कात्तिक ८ गते कोरोना संत्रमण पुष्टि भएको उनमा निमोनियाकोपनि समस्या थियो ।

योसँगै गण्डकी प्रदेशमा कोरोना संक्रमणबाट मृत्यू हुनेको संख्या १०० पुगेको हो । जसमा कास्कीका ४१, नवलपुरका १८, तनहुँका १४, गोरखाका ८, बागलुङका ८, स्याङ्जाका ७, म्याग्दीका २, पर्वतका १ र लमजुङका १ जना रहेको निर्देशनालयको वेभसाईटमा उल्लेख छ ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।