राष्ट्रिय आविश्कार केन्द्रले प्रदेश सरकारलाई प्रदान गरेको स्वाब संकलन गाडी गण्डकी प्रदेश स्वास्थ्य निर्देशनालयलाई हस्तान्तरण गरिएको छ । राष्ट्रिय आविश्कार केन्द्र आफैले फिटिङ गरेर प्रदेश सरकारलाई प्रदान गरेको स्वाब संकलन गाडी मुख्यमन्त्री पृथ्वी सुब्बा गुरुङले आईतबार प्रदेश स्वास्थ्य निर्देशनालयलाई हस्तान्तरण गरेका हुन् ।
प्रदेश स्वास्थ्य निर्देशनालयले गाडी प्राप्त गरेसँगै अब स्वाब संकलनमा सहजता आउने विश्वास गरिएको छ । स्वाब संकलन गाडीमार्फत अबदेखि वडा–वडा र गाउँघरसम्मै पुगेर स्वाब संकलन गरिने गण्डकी प्रदेश स्वास्थ्य निर्देशनालयका निर्देशक डा.विनोदविन्दु शर्माले जानकारी दिए ।
यसअघी स्वाब संकलन गाडी नहुँदा अस्पताल र क्लिनिक पुगेरै स्वाब दिनुपर्ने बाध्यता थियो । तर स्वाब संकलन गाडी आएसँगै सो बाध्यता हट्ने विश्वास गरिएको छ ।
स्वाब संकलन गर्ने गाडी हस्तान्तरण कार्यक्रम र स्वाब संकलन गर्दै गरेको तस्बिर ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा ।कास्कीमा ब्रोइलर कुखुरा पालन गर्ने किसानहरुको आइतबार भएको एक भेलाले पोखरा–२५…
