अन्तरराष्ट्रिय स्तरको युथ स्पिक आउट च्याम्पीयनसीपमा पोखराको कुमुदिनी होम्स स्कुलकी पीया गुरुङ बेस्ट अफ दी बेस्ट स्पिकर अवार्ड जित्न सफल भएकी छन् । जिल्ला, प्रदेश र राष्ट्रिय प्रतियोगिताबाट छनौट हुँदै अन्र्तराष्ट्रिय प्रतियोगिता युथ स्पिक आउट च्याम्पीयनसीप अन्तर्गत ‘वाल अफ होप’ शिर्षकमा भाग लिएकी उनले बेस्ट अफ दी बेस्ट स्पिकरको अवार्ड जितेकी हुन् । १३ वर्षिया पीया कुमुदिनी होम्समा कक्षा ८ मा अध्ययनरत छिन् ।
युथ स्पिक आउट च्याम्पीयनसीपमा पीयाले नेपालको सुदूरपश्चि क्षेत्रमा हुने छाउपडी प्रथाबारे स्पिच दिएकी थिइन् । च्याम्पीयनसीपमा गण्डकी प्रदेशबाट अवार्ड जित्ने उनी एक्ली प्रतिपष्पर्धी रहेको कुमुदिनी होम्स स्कुलका शिक्षक कुशल पालिखेले जानकारी दिए ।
विश्वका २५० भन्दा बढी विद्यालयका २ हजार भन्दा बढी सहभागि भएको च्याम्पीयनसीपमा कुमुदिनी होम्स स्कुलका ६ जनाले प्रतिष्पर्धा गरेका थिए । च्याम्पीयनसीपमा पीयासँगै सुयोग अधिकारी, मानुसी भण्डारी, रचना तिवारी, सुगम पौडेल र समीक्षा अधिकारीको सहभागिता रहेको पालिखेले जानकारी दिए ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, असोज २१ सर्वोच्च अदालतले गण्डकी सरकारलाई दीर्घकालीन महत्वको निर्णय गर्न…
