ब्राजिलमा कोरोनाबाट हुने मृत्युमा कमी आएन

फाइल तस्बीर

ब्राजिलमा कोभिड १९ को प्रकोपबाट हुने मृत्युमा कमी नआएको बताइएको छ।

यहाँका स्वास्थ्य क्षेत्रका अधिकारीहरुले दिएको जानकारीअनुसार यहाँ पछिल्लो समय मात्र पनि ८ सय ७४ जनाको यो भाइरसका कारण ज्यान गएको छ।

योसँगै ब्राजिलमा कोरोनाका कारण करिब ४ लाख ६२ हजार जनाको ज्यान गएको छ। यहाँ यो संक्रमणबाट ४ लाख ६१ हजार ९ सय ३१ जनाको ज्यान गएको आइतबार यहाँको स्वास्थ्य मन्त्रालयले जानकारी दिएको छ। स्वास्थ्य मन्त्रालयका अनुसार पछिल्लो समय ब्राजिलमा कोरोना भाइरसको संक्रमण घट्न सकेको छैन। कतिपय दिन यहाँ संक्रमितहरुको संख्या घटेको जस्तो देखिए पनि केही दिनपछि फेरि बढेर आउने गरेको पाइएको छ।

अधिकारीहरुले संक्रमितहरु यहाँका अस्पतालहरूमा ठूलो संख्यामा रहेका पाइएको छ। अधिकारीहरुले अहिले पनि यहाँका बिरामीको चाप थेग्न सकेका छैनन्। यहाँ गत २४ घण्टामा कोभिड–१९ का ४३ हजार ५ सय २० जना संक्रमितहरु भेटिएका छन्। ब्राजिलको स्वास्थ्य मन्त्रालयले आइतबार सो जानकारी दिएको छ।

त्यसैगरी यहाँ कोरोना भाइरसको संक्रमण शुरु भएबाट ब्राजिलमा हालसम्म १ करोड ६५ लाखभन्दा बढी संक्रमित भएका छन्। ब्राजिलका अधिकारीहरुले यहाँ कोरोना विरुद्धको खोप लगाउने क्रम पनि जारी रहेको बताएका छन्। यहाँको सबैभन्दा बढी प्रभावित भएको क्षेत्र साओ पाओलो हो। यस राज्यमा मात्र ३५ लाखभन्दा बढी नागरिक संक्रमित भएका छन्।
रासस

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।