प्रतिकात्मक तस्बीर
नेपाली काँग्रेसको नव निर्वाचित केन्द्रीय कमिटीको पहिलो बैठक आज (शनिबार) बस्दैछ।
त्यसअघि, १४ औँ महाधिवेशनबाट निर्वाचित केन्द्रीय समिति सभापति शेरबहादुर देउवा लगायत पदाधिकारी र सदस्य सबैलाई पार्टीको केन्द्रीय निर्वाचन समितिले प्रमाणपत्र हस्तान्तरण र पदभार ग्रहण गर्ने कार्यक्रम छ।
नेपाली काँग्रेसमा दोस्रो कार्यकालका लागि निर्वाचित सभापति देउवा लगायत पदाधिकारी र सदस्यहरुले आज पदभार ग्रहण गर्नेछन्।
काँग्रेस केन्द्रीय कार्यालयमा ‘निर्वाचित भएको प्रमाणपत्र’ वितरण गर्ने कार्यक्रम बिहान ११ बजेका लागि तय गरिएको छ।
सभापति लगायत पदाधिकारी र सदस्यहरुको पदभार ग्रहणपछि महाधिवेशबाट आएको काँग्रेसको केन्द्रीय कार्यसमितिको पहिलो बैठक बस्ने कार्यसूची छ।
काँग्रेसको केन्द्रीय समितिमा सभापति १, उपसभापति २, महामन्त्री २, सह–महामन्त्री ८ सहित १ सय ३४ केन्द्रीय सदस्यका लागि गएको मंसीर २७ गते चुनाव भएको थियो।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखराको मोहरियाटोलमा रहेको विन्ध्येश्वरी आदर्श स्कुलका विद्यार्थीले गुरुहरुको सम्मान गरेका छन् ।…
