पोखरा, बैशाख १०
नेकपा एकीकृत समाजवादीले पोखरा महानगरपालिकाको मेयरमा धनराज आचार्यलाई उम्मेदवार बनाएको छ । नेकपा एकीकृत समाजवादीको शनिबार बसेको बैठकले आचार्यलाई पोखरा महानगरको मेयरको उम्मेदवार बनाउने निर्णय गरेको हो । बैठकबाट औपचारिक रुपमा आचार्यको नाम टुंगिएपनि सार्वजनिक भने गरिएको छैन ।
बैठकको निर्णयबारे जानकारी दिदै नेकपा एकीकृत समाजवादीका एक पोलिटब्यूरो सदस्यले भने,‘निर्णय भइसकेको छ तर सार्वजनिक भोलि आइतबार मात्रै गर्ने भनेर गोप्य राखिएको छ ।’ उनले आचार्यको नाम गठबन्धनको बैठकले पहिले नै तय गरेकोपनि दाबी गरे । ‘पार्टीबाटै निर्णय होस् भनेर औपचारिकता मात्रै दिइएको हो नत्र त गठबन्धनको बैठकले नै आचार्यलाई मेयरको उम्मेदवार बनाउने निर्णय गरिसकेको थियो’–उनले भने ।
तर स्वयम् आचार्यले भने आफू उम्मेदवार भएकोबारे औपचारिक जानकारी पाइनसकेको बताए । उनले भने,‘निर्णय भयो भन्ने आएको छैन । औपचारिक जानकारी नआएकाले यसै भन्न सकिएन ।’
सो पार्टीका अर्का आकांक्षी श्रीनाथ बराललेपनि औपचारिक निर्णय भएकोबारे आफू अनभिज्ञ भएको बताए । ‘निर्णय नै भइसकेको भन्ने आएको छैन । सायद ! भोलि आइतबार सम्ममा टुंगिएला’–उनले भने ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा, १३ भदौ । सहारा क्लब पोखराले आयोजना गरेको ‘समर हाइकिङ फर…
