पोखरा, २४ बैशाख
नेकपा माओवादी केन्द्रका नेता विष्णु पौडेलले चुनाव जितेलगत्तै सुकुम्बासीलाई लालपूर्जा वितरण गर्ने बताएका छन् । पोखरा–३२ मा आईतबार आयोजित कोणसभालाई सम्बोधन गर्दै नेकपा माओवादीका नेता पौडेलले भने,‘अहिले भोट हालेर चुनाव जिताउनूस् । हामी चुनाव जितेको केहि समयमै घर÷घरमा आएर लालपूर्जा दिन्छौं ।’ उनले कांग्रेस एमालेले चुनाव जितेपनि लालपूर्जापनि नदिने र विकास र समृद्धिका लागिपनि काम नगर्ने भएकाले उनीहरुलाई भोट हाल्न नहुने बताए ।
कार्यक्रममा माओवादी उम्मेदवारहरुलेपनि जितेलगत्तै लालपूर्जा वितरण गर्ने प्रतिबद्धता जनाएका थिए । सुकुम्बासीको पक्षमा उभिने माओवादी मात्रै भएकाले माओवादीलाई जिताएर पठाउन उनीहरुको आग्रह थियो ।
पोखरा–३२ मा माओवादीका तर्फबाट वडाध्यक्षमा भवानीप्रसाद पौडेल, खुल्ला सदस्यमा अर्जुन मल्ल र गोकुल विक, महिला सदस्यमा गंगादेवी पौडेल र दलित महिला सदस्यमा बसन्ती कामी उम्मेदवार छन् ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा । गण्डकी प्रदेशमा नसर्ने रोगका बिरामीको संख्या बढ्दै गएको तथ्याङ्क सार्वजनिक…
