राष्ट्रिय परीक्षा बोर्डले बुधवार सार्वजनिक गरेको माध्यमिक शिक्षा परीक्षा (एसईई) २०७८ मा उच्च श्रेणीमा उत्तीर्ण हुने विद्यार्थीको संख्या न्यून रहेको छ ।
बोर्डका अनुसार उच्च श्रेणी ३ दशमलव ६ देखि ४ जीपीए ल्याउने विद्यार्थी ९ हजार ६३३ जना छन् । उक्त संख्या कुल परीक्षार्थीको १ दशमलव ९४ प्रतिशत मात्र रहेको बोर्डका सदस्यसचिव दुर्गाप्रसाद अर्यालले बताए । सदस्यसचिव अर्यालका अनुसार गतवर्ष एसईईको परीक्षामा कुल ४ लाख ९५ हजार ७५१ परीक्षार्थी सहभागी थिए ।
सार्वजनिक नतीजा अनुसार ४१ हजार ६२७ विद्यार्थीले ३ दशमलव २ देखि ३ दशमलव ६ जीपीए प्राप्त गरेका छन् । त्यस्तै ६९ हजार ९०० ले २ दशमलव ८ देखि ३ दशमलव २ जीपीए ल्याएका छन् । ९० हजार ७५८ जनाले २ दशमलव ४ देखि २ दशमलव ८ जीपीए ल्याएका छन् ।
१ लाख १२ हजार ७३३ विद्यार्थीले २ देखि २ दशमलव ४ जीपीए, १ लाख ५९४ जनाले १ दशमलव ६ देखि २ जीपीए र ४४ हजार ५८६ विद्यार्थीले १ दशमलव २ देखि १ दशमलव ६ जीपीए ल्याएका छन् ।
त्यस्तै ३ हजार २८० विद्यार्थीले शून्य दशमलव ८ देखि १ दशमलव २ जीपीए ल्याएका छन् । परीक्षामा २२ हजार ६४० जना विद्यार्थी अनुपस्थित रहेको बोर्डले बताएको छ । अनुपस्थित हुनेको सो संख्या कुल परीक्षार्थीको ४ दशमलव ५७ प्रतिशत हो ।
रासस
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा, २० भदौनिशुल्क स्वास्थ्य शिविरलाई अभियानकै रुपमा अघि बढाएको युनाइटेड रेफरेन्स ल्याबोरेटरी…
