पोखरा, साउन १९
अखिल नेपाल फुटबल संघ (एन्फा)का निवर्तमान उपाध्यक्ष कृष्ण थापाले एमाले परित्याग गरेका छन् । नेपाली राष्ट्रिय फुटबल टिमका पूर्व प्रशिक्षकसमेत रहेका थापाले विहीबार सामाजिक सञ्जाल फेसवुकमा स्टाटस लेख्दै एमाले परित्याग गरेको घोषणा गरेका हुन् ।
पोखरा महानगरपालिका वडा नम्बर २४ हेमजार निवासी थापा फुटबलका टेक्निकल विज्ञपनि हुन् । उनी पूर्व राष्ट्रिय खेलाडीसमेत हुन् ।
एमाले फुट्दासमेत माधव नेपालको नेकपा एकीकृत समाजवादीमा नगई बसेका उनले अचानक पार्टी परित्याग गर्नुलाई अर्थपूर्ण रुपमा हेरिएको छ । कास्की निर्वाचन क्षेत्र नम्बर–३ का मतदातासमेत रहेका थापा एमाले सरकारका पालामा राष्ट्रिय खेलकुद परिषदको सदस्यमा मनोनित नभएपछि रुष्ट थिए । राखेप सदस्यमा आफू नियुक्त हुनेमा ढुक्क रहेका उनलाई थापाकै कास्की–३ बाट निर्वाचित तत्कालीन खेलकुद मन्त्री जगतबहादुर विश्वकर्माको रोजाईमा नपरेपछि असन्तुष्ट बनेका हुन् । विश्वकर्माले आफू निकट गुटकालाई मात्रै प्राथमिकता दिदै राखेप सदस्यमा नियुक्त गरेका थिए ।
एमाले परित्याग गरेका थापाले अब जीवनभर स्वतन्त्र बस्ने र फुटबलको सेवा गर्ने बताएका छन् ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा,कल्प मिडिया एण्ड मल्टिपर्पोज प्रालिद्वारा संचालित नयाँलिपि न्यूज डटकमको आयोजनामा असोज २…
