महिला क्रिकेटमा आफ्नो दबदबा कायम राख्ने क्रममा अष्ट्रेलियाले आइतबार राति कमनवेल्थ गेम्समा भारतलाई नौ रनले हराउँदै स्वर्णपदक जितेको छ ।
महिला एसेस शृंखला जित्नुका साथै एकदिवसीय र ट्वान्टी–२० दुवै स्वरूपको विश्वकपमा उपाधि जित्न सफल अष्ट्रेलियाले कमनवेल्थमा पनि स्वर्णपदक हासिल गरेको हो ।
वेथ मुनीले ६१ रन बनाएपछि बर्मिङघमस्थित एडबास्टन क्रिकेट मैदानमा टस जितेर ब्याटिङ गरेको अष्ट्रेलियाले निर्धारित २० ओभरमा आठ विकेट गुमाएर १६१ रन बनाएको थियो । १६२ रनको लक्ष्य पछ्याएको भारतले १९.३ ओभरमा सबै विकेट गुमाएर १५२ रन मात्र बनाउन सक्यो ।
अष्ट्रेलियाका लागि मुनीले ४१ बलमा आठ चौका समेत प्रहार गरिन् । मुनीबाहेक कप्तान मेघ लनिङले ३६, एश्ले गार्डनरले २५ र रचल हायनेसले अविजित १८ रन बनाए ।
भारतकी रेनुका सिंह र स्नेहा रानाले समान दुई/दुई विकेट लिए । दिप्ती शर्मा र राघा यादवले एक÷एक विकेट लिए ।
भारतकी कप्तान हर्मनप्रीत कौरले ६५ रन बनाए पनि टिमलाई जिताउन सकिनन् । जेमिमा रोड्रिगुएसले ३३, दिप्ती शर्माले १३ र ओपनर शफाली बर्माले ११ रन बनाउनुबाहेक अरू खेलाडीले दोहोरो अंकमा रन बनाउन सकेनन् ।
अष्ट्रेलियाकी एश्ले गार्डनरले तीन विकेट लिइन् । मेगन स्कटले दुई विकेट लिइन् । डार्सी ब्रोन र जेस ब्रोनले एक/एक विकेट लिए ।
कमनवेल्थ गेम्समा पहिलोपटक महिला क्रिकेट समावेश गरिएको हो । न्युजिल्यान्डले आयोजक इंग्ल्यान्डलाई आठ विकेटले हराउँदै कास्यपदक जित्यो ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा । यमपञ्चक अर्थात् तिहारको पाँचौँ तथा अन्तिम दिन बुधबार दिदीबहिनीले दाजुभाइलाई…
