काठमाडौं । नेपाली कांग्रेसका नेता प्रदीप गिरीको शनिबार राती निधन भएको छ ।
प्रतिनिधिसभा सदस्य समेत रहेका ७५ वर्षीय गिरीको ललितपुरको नख्खुस्थित मेडिसिटी अस्पतालमा राती ९ : २६ मान निधन भएको अस्पताल स्रोतले जानकारी दिएको छ ।
घाँटीको क्यान्सरको उपचार गराएर भारतबाट फर्किएका गिरिलाई निमोनिया भएपछि करिब एक महिनादेखि ललितपुरको मेडिसिटी अस्पतालमा राखेर उपचार भइरहेको थियो । शुक्रबारमात्रै उनलाई भेन्टिलेटरबाट निकालेर आईसियुमा राखिएको थियो ।
२०१७ सालबाट नेपाली राजनीतिमा लागेका गिरी २०७४ को प्रतिनिधिसभा सदस्य निर्वाचनमा सिरहा क्षेत्र नं १ बाट निर्वाचित भएका थिए ।
यस्तै उनी २०५१ सालको संसदीय निर्वाचनमा सिरहा क्षेत्र नं. ५ बाट प्रतिनिधिसभा सदस्य पदमा निर्वाचित भएका थिए । ०५६ मा भने पराजित उनको २०६४ र ०७० सालको संविधानसभा सदस्य निर्वाचनमा समानुपातिक तर्फबाट संविधान निर्माणको काममा संलग्न थियो ।
दर्शनमा आधारित राजनीतिको विश्लेषण गर्ने विशिष्ट क्षमता राख्ने नेता गिरीका लेलिनको जीवनी, नारी, माक्र्सवाद र अर्थशास्त्र लगायत विषयमा एक दर्जनभन्दा बढी पुस्तक प्रकाशित छन् ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
रसुवाको भोटेकोशी बाढीबाट प्रभावित विभिन्न जिल्लामा हालसम्म ५३८ जनाको शव फेला परेको…
