नीति प्रेसको खुल्ला तीज गीत प्रतियोगितामा उद्यमशील महिला समूह हेमजा प्रथम

पोखरा, भदौ १२

निति प्रेस मिडिया प्रालिले आयोजना गरेको खुल्ला गीत प्रतियोगितामा पोखरा–२५ हेमजाले प्रथम स्थान हाँसिल गरेको छ । नेपाली महिलाहरुको महान चाँड हरितालिका तीजको अवसरमा नीति प्रेसले आयोजना गरेको वाई.यु.के.सुपरमार्केट प्रथम खुल्ला तीज गीत प्रतियोगिता–२०७९ मा उद्यमशील महिला समूह प्रथम भएको हो । प्रथम भएको सो समूहले नगद ३० हजारसहित प्रमाणपत्र प्राप्त ग¥यो ।

‘कला, संस्कृतिको संरक्षण गरौं, पर्यटन प्रवद्र्धन गरौं’ भन्ने नाराका साथ पोखरा–१८ फेवाताल किनारस्थित वाई.यु.के.सुपरमार्केटको प्राङ्गणमा शनिबार आयोजित प्रतियोगितामा पोखरा–२ को सक्षम अभियान नेपालले द्वितीय स्थान हाँसिल ग¥यो । द्वितीय स्थान प्राप्त गरेको सक्षम अभियानले नगद २० हजारसहित प्रमाणपत्र प्राप्त ग¥यो ।

त्यस्तै, प्रतियोगितामा पोखरा–७ को महिला क्लव पोखराले तृतीय स्थान हाँसिल गर्दै नगद १० हजार प्राप्त ग¥यो ।

प्रतियोगितामा सहनशील आमा समूले (उत्कृष्ट लय), सांस्कृतिक आमा समूहले (उत्कृष्ट भेषभुषा) र समृद्धि महिला समूहले (उत्कृष्ट नृत्य)को उपाधि जिते । त्यस्तै, असहाय बालबालिका आश्रित बालकल्याण संस्था, दृष्टिविहीनहरुको अमरसिंह दिदीबहिनी समूहले सान्त्वना स्वरुप नगद २÷२ हजार प्राप्त गरे ।

वाई.यु.के.सुपरमार्केटका सञ्चालक तथा युवा व्यवसायी युवराज खतिवडाको अध्यक्षतामा भएको कार्यक्रमको नेपाल टुर्स एण्ड ट्राभल्स एशोसियन (नाट्टा) गण्डकी प्रदेशकी महासचिव संगीता पौडेलले उद्घाटन गरेकी थिईन् ।

कार्यक्रमको उद्घाटनको अवसरमा बोल्दै युवा व्यवसायी खतिवडाले प्रतियोगितालाई आगामी दिनमापनि निरन्तरता दिने बताए । उनले आगामी वर्ष राशीपनि वृद्धि गरेर पोखराकै सर्वाधिक राशीको प्रतियोगिता बनाउने र सहभागि सबैलाई खाली हात नफर्किने गरी पुरस्कार राखिने बताए ।

नीति प्रेस मिडिया प्रालिका प्रमुख कार्यकारी निर्देशक माधव पोखरेलले संस्कृति संरक्षण, संवद्र्धन र प्रवद्र्धनका लागि तीज गीत प्रतियोगिता आयोजना गरिएको बताए । ‘बढ्दो आधुनिकीकरण तथा विदेशी कला, संस्कृति, रितिरिवाज, चालचलने गर्दा हाम्रो मौलिक रितिरिवाज तथा कला संस्कृति ओझेलमा पर्ला भन्ने चिन्ता भो । त्यहि भएर कला र संस्कृतिको संरक्षण गर्दै पर्यटनमा सघाउ पु¥याउने उद्देश्यले प्रतियोगिता आयोजना गरेका हौं’–उनले भने ।

वाई.यु.के.सुपरमार्केटको मुख्य प्रायोजन, कायो डट वाईक, मुनाल ड्राईभिङ र शुभ यात्रा ड्राइभिङ सह–प्रायोजक रहेको प्रतियोगितामा प्रथम पुरस्कार प्रायोजक पोखरा–१४ निवासी दुर्गाबहादुर भट्टराई, द्वितीय पुरस्कार प्रायोजक जोय मिनरल वाटर , तृतीय पुरस्कार प्रायोजक सिभिल बैंकले गरेको प्रतियोगिता संयोजक गणेश लम्सालले जानकारी दिए ।

त्यस्तै, प्रतियोगिताको प्रवद्र्धकमा पोखरा महानगरपालिका वडा नम्बर–१८ र अन्नपूर्ण केवलकार, एजुकेसनल पार्टनरमा टाईम्स एजुकेसनल, यातायातमा जिरो प्वाईन्ट टुर्स एण्ड ट्राभल्स पोखरा–८ नागढुंगा, बैंकिङ पार्टनरमा ज्योति विकास बैंक र ग्रीन डेभलपमेन्ट बैंक तथा हस्पिटल पार्टनरमा दीर्घायु हस्पिटल रहेका छन् ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।