सन्देश श्रेष्ठ
पोखरा, माघ ११
राष्ट्रिय सभा सदस्य निर्वाचनका लागि गण्डकीबाट दुई पदका लागि आज भएको निर्वाचनमा २२३ मत खसेको छ । गण्डकीमा कुल २२९ मत रहेकोमा ६ जना अनुपस्थित रहेको प्रदेश निर्वाचन कार्यालय गण्डकीले जनाएको छ ।
गण्डकीमा ५९ जना प्रदेश सभा सदस्य र स्थानिय तहतर्फ १७० जना मतदाता रहेका थिए । जसमध्ये प्रदेश सभा सदस्यतर्फ २७ जना पुरुष र २० जना महिला गरेर ५७ जनाले मतदान गरेको प्रदेश निर्वाचन कार्यालय गण्डकीले जनाएको छ । प्रदेश सभातर्फ दुई सदस्य अनुपस्थित रहे ।
त्यस्तै, स्थानिय तहतर्फ १०२ जना पुरुष र ६४ जना महिला गरेर कुल १६६ जनाले मतदान गरेको कार्यालयको अभिलेखमा उल्लेख छ ।
राष्ट्रिय सभामा गण्डकीमा दुई सदस्यका लागि निर्वाचन भएको हो । गण्डकीमा खुल्लातर्फ १ र महिला क्लष्टरमा १ गरी दुई सदस्यका लागि निर्वाचन भएको हो । जसका लागि यहाँ कांग्रेस–एमालेले गठबन्धन गरेका छन् । उनीहरुले खुल्लातर्फ कांग्रेसका डा.जगत तिमिल्सिना र महिला क्लष्टरमा एमालेकी सम्झना देवकोटालाई उम्मेदवारका रुपमा खडा गरेका छन् । यहाँ नेकपाले कपिल लामा र गोमा घिमिरे लुईटेल (रुची)लाई तथा राष्ट्रिय जनमोर्चाले शंकर बराल र लक्ष्मी बास्कोटालाई उम्मेदवार बनाएको छ ।
प्रदेश निर्वाचन कार्यालयले केहिबेरमै मत गणना शुरु गर्ने र अपराह्न ५ बजेसम्ममा मत परिणाम आईसक्ने जनाएको छ ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखराको सिमलचौरस्थित जनप्रिय बहुमुखी क्याम्पसका पूर्व विद्यार्थीहरूको साझा मञ्च जनप्रिय अल्मुनाइ एसोसिएसनको…
