सन्देश श्रेष्ठ
पोखरा, फागुन १४
नेकपा एमाले कास्की क्षेत्र नम्बर १ का उम्मेदवार वैनबहादुर अधिकारी क्षेत्रीको चुनावी अभियानमा प्रयोग भएको दुई वटा गाडीमा ढुंगा प्रहार भएको छ । आफ्नो चुनावी अभियानका क्रममा मादी–११ उपल्लो साप्लेमा कार्यक्रम भइरहँदा तरुण दल सम्बद्द युवाहरुले ग.४ च.१०१५ र बा.९ च.८९ नम्बरको दुई वटा कारमा ढुंगा प्रहार गरेको उम्मेदवार अधिकारीले जानकारी दिए । उनका अनुसार स्थानिय तरुण दलका नेता रिदम गुरुङलगायतका ४ जनाको समूहले गाडीमा तोडफोड गरेका हुन् ।
चुनावी अभियानमा सहभागी हुन पोखरा पव्लिक स्कुलका फाउण्डर कृष्ण केसीलगायत चढेर गएको गाडी पार्किङमा राखेको बेला कांग्रेसको हवाला दिदै गाडीमा प्रहार गरेको एमाले मादी गाउँपालिका अध्यक्ष सुवास सापकोटाले जानकारी दिए । उनका अनुसार गाडीका सिसाहरु फुटेका छन् भने ढोकामासमेत क्षेती पुगेको छ ।
उम्मेदवार अधिकारीले दोषीमाथि कडा कारवाही गर्न माग गरेका छन् । घटनाबाट आफू कत्तिपनि विचलित नभएको बताउँदै उनले भने,‘केहि आवारा तरुण दलका कार्यकर्ताले आक्रमण गर्दैमा नडराउने मान्छे होईन म । तर सुरक्षा चुनौति देखापरेको छ । राज्यले तुरुन्त पक्राउ गरेर उनीहरुलाई कारवाही गरोस् ।’
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, बैशाख १८ प्रथम पोखरा महिला गोल्डकप फुटबल प्रतियोगितामा नेपाल पुलिस…
