चरम संकटमा परेको स्वास्थ्य सेवा बीमा कार्यक्रममा १८ अर्बभन्दा बढी भुक्तानी गर्न बाँकी रहेको छ ।
नागरिकको स्वास्थ्य उपचारलाई सहज र पहुँचयोग्य बनाउन सरकारले सञ्चालन गरेको बीमा कार्यक्रममा चैत मसान्तसम्म स्वास्थ्य बीमा बोर्डअन्तर्गत अनुमानित १८ अर्ब ३१ करोड ५१ लाख ९२ हजार ७३० रुपैयाँ दाबी भुक्तानी गर्न बाँकी रहेको हो । चालु आर्थिक वर्षमा १० अर्ब रुपैयाँ विनियोजन भएको थियो । तर, बिमा दाबी भुक्तानीतर्फको बक्यौता बढ्दै जाँदा कार्यक्रमको प्रभावकारितामाथि चुनौती थपिएको छ । स्वास्थ्य, खाद्य तथा स्वच्छता मन्त्रालयका अनुसार, चालु आर्थिक वर्षमा नेपाल सरकारबाट प्राप्त कुल ११ अर्ब ७५ करोड रुपैयाँमध्ये हालसम्म १२ हजार दाबी भुक्तानी गरिएको छ । तर, अस्पताल तथा स्वास्थ्य संस्थाहरूमा समयमै रकम भुक्तानी हुन नसक्दा बक्यौता रकम लगातार बढिरहेको उल्लेख गरिएको छ ।
बक्यौता रकम उच्च हुँदा स्वास्थ्य संस्थाबाट प्रवाह हुने बिमित सेवामा असर पर्न सक्ने चिन्ता समेत व्यक्त गरिएको छ । मन्त्रालयले स्वास्थ्य बीमा कार्यक्रमलाई व्यवस्थित बनाउन अनलाइन प्रणालीको प्रयोग, दोहोरो दाबी नियन्त्रण तथा वास्तविक विपन्न नागरिकसम्म सेवा पहुँच सुनिश्चित गर्ने कार्य भइरहेको जनाएको छ । संकट चुलिदै गएपछि बोर्डले यही जेठ १६ गतेदेखि अर्को निर्णय नभएसम्म निजी स्वास्थ्य संस्थाबाट प्रदान हुँदै आएका स्वास्थ्य बीमासम्बन्धी सेवा बन्द हुने उल्लेख गरेको छ ।
ओपीडी, परीक्षण, शल्यक्रिया, औषधि तथा अन्य नियमित सेवा प्रभावित भए पनि आकस्मिक सेवा भने यथावत रहने बोर्डले जनाएको छ ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
निर्वाचन व्यवस्थापनलाई थप सुदृढ, व्यवस्थित र प्रभावकारी बनाउन सबै पक्षको भूमिका आवश्यक…
