कास्कीको बिजयपुर खोलामा बगेर २ बेपात्त, बेपत्ता हुने निक्सन र यमन

सन्देश श्रेष्ठ
पोखरा, साउन ३०

कास्कीको बिजयपुर खोलाले बगाएर दुई जना बालक बेपत्ता भएका छन् । पोखरा महानगरपालिका–२६ सक्नेरीस्थित भगवती हाइड्रोपावर नजिकैबाट विजयपुर खोला तर्ने क्रममा दुई बालक बेपत्ता भएको कास्की प्रशासनले जनाएको हो । १०÷१२ जना साथीहरु मिलेर खोलापारी गएको र फर्किने क्रममा उनीहरुलाई बगाएको कास्कीका सहायक प्रमुख जिल्ला अधिकारी चित्राङ्गद बरालले जानकारी दिए ।

शनिबार दिउँसो करीब १ बजेतिर खोला तर्ने क्रममा पोखरा–१४ छिनेडाँडाका १६ वर्षिय निक्सन गुरुङ र पोखरा–१४ चाउथेका १५ वर्षिय यमन राई खोलाले बगाएर बेपत्ता भएको सहायक सिडिओ बरालले बताए । उनका अनुसार गुरुङ स्याङ्जा जिल्ला बिरुवा गाउँपालिका–७ घर भई हाल पोखरा–१४ छिनेडाँडास्थित आर्मी पल्टनमा बस्दै आएका चन्द्रबहादुर गुरुङका छोरा हुन् । राई भने खोटाङ घर भई चाउथेमा बस्दै आएको उनको भनाई छ ।

बेपत्ता बालकहरुको खोजीका लागि नेपाल प्रहरी र सशस्त्र प्रहरीको टोली गोताखोरसहित परिचालित भएको ईलाका प्रहरी कार्यालय सिसुवाका ईञ्चार्ज प्रहरी नायव उपरीक्षक गुणराज बुढाथोकीले जानकारी दिए । अविरल वर्षापछि बिजयपुर खोला बढेकाले खोजीमा समस्या उत्पन्न भएको कास्की प्रशासनले जनाएको छ । ‘तर खोलामा आउने नहरको पानी बन्द गरेर खोजी शुरु गर्दैछौं’–उनले भने ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।