पोखरा । पोखरालाई व्यवस्थित, आधुनिक र नागरिकमैत्री महानगरका रूपमा अगाडि बढाउने अभियानमा सक्रिय पोखरा महानगरपालिकाका प्रमुख धनराज आचार्य ‘Visionary Leadership in Urban Development and Public Service Award’ बाट सम्मानित भएका छन्।
सिजन मिडिया (Season Media) द्वारा आयोजित Asian Professional Achievement Award Nepal 2026 अन्तर्गत शहरी विकास, सार्वजनिक सेवा सुधार तथा दूरदर्शी नेतृत्वमार्फत पुर्याएको योगदानको कदर गर्दै नगर प्रमुख आचार्यलाई उक्त सम्मान प्रदान गरिएको हो।
काठमाडौंमा आयोजित विशेष समारोहमा गणतन्त्र नेपालका प्रथम राष्ट्रपति डा. रामवरण यादवले नगर प्रमुख आचार्यलाई अवार्ड प्रदान गर्नुभयो।
नगर प्रमुख आचार्यको नेतृत्वको विशेषता धेरै बोल्नुभन्दा योजना, समन्वय, कार्यान्वयन र परिणाममा केन्द्रित रहनु हो। महानगरका साना–ठूला योजना तथा विकासका काममा निरन्तर चासो राख्दै सम्बन्धित शाखा र टिमसँग समन्वय गर्ने तथा कामको प्रगतिलाई नजिकबाट नियाल्ने उनको कार्यशैलीले पोखराको दीर्घकालीन विकासप्रतिको प्रतिबद्धता देखाउँछ।
दूरदर्शी नेतृत्व भनेको आजको आवश्यकता पूरा गर्नु मात्र होइन, भोलिको शहर कस्तो बनाउने भन्ने स्पष्ट सोचसहित आजैबाट आधार तयार गर्नु पनि हो। यही सोचका साथ शहरी पूर्वाधार, सार्वजनिक सेवा, पर्यटन, वातावरण, विपद् व्यवस्थापन तथा नागरिकमैत्री शासनलाई थप प्रभावकारी बनाउने दिशामा महानगर अघि बढिरहेको छ।
सम्मान ग्रहण गर्दै नगर प्रमुख आचार्यले यसलाई आफ्नो व्यक्तिगत उपलब्धिका रूपमा नभई पोखरा महानगरपालिकाको समग्र विकासका लागि जनप्रतिनिधि, कर्मचारी र पोखरेली नागरिकले गरेको सामूहिक प्रयासको सम्मानका रूपमा लिएको बताउनुभयो।
हरेक शहरको परिवर्तन पछाडि ठूलो सपना मात्र होइन, त्यसलाई वास्तविकतामा बदल्न निरन्तर खटिने नेतृत्व र टिम आवश्यक हुन्छ। कम बोल्ने, कामलाई नजिकबाट हेर्ने र परिणामका लागि निरन्तर लागिरहने नेतृत्व शैलीको कदरस्वरूप प्राप्त यो सम्मानले आचार्यलाई अझ जिम्मेवार र ऊर्जाशील भएर अघि बढ्न प्रेरणा थपेको छ।
यो सम्मान धनराज आचार्यका लागि मात्र होइन, समृद्ध, व्यवस्थित र भविष्यतर्फ अघि बढिरहेको पोखराको यात्राको समेत सम्मान हो।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा, २९ भदौ । भोटेकोशी बाढीपीडित तथा प्रभावितका लागि तमु धिं नेपालले…
