कास्कीमा महिला मतदाता बढी, १५३ स्थलमा ३५४ मतदान केन्द्र

निर्वाचन आयोगले आगामी फागुन २१ गते हुने प्रतिनिधि सभा निर्वाचनका लागि तय भएका मतदाताको सूची सार्वजनिक गरेको छ।

मंगलबार प्रकाशित भएको नामावली अनुसार कास्कीमा ३ लाख ८ हजार ५७२ जना मतदाता रहेका छन् । निर्वाचन आयोगले आज सार्वजनिक गरेको तथ्याङ्कअनुसार आगामी प्रतिनिधि सभा निर्वाचनका लागि कास्कीका तीन वटै क्षेत्रमा पुरुष भन्दा महिलाको संख्या धेरै रहेको छ । तथ्याङ्कअनुसार कास्कीमा पुरुष मतदाता १ लाख ४८ हजार ४१५ र महिलाको संख्या १ लाख ६० हजार १५३ रहेको छ । जसमा अन्य ४ जना छन् । आयोगका अनुसार कास्की निर्वाचन क्षेत्र नं. १ मा पुरुष ५६ हजार ७९ र महिला ६० हजार ७९८ गरी १ लाख १६ हजार ८७८ जना मतदाता छन् । क्षेत्र नं. २ मा ८४ हजार १३४ मा पुरुषको संख्या ३९ हजार ७९३ र महिलाको संख्या ४४ हजार ३४० छ । त्यस्तै क्षेत्र नंं. ३ मा पुरुष मतदाता ५२ हजार ५४३ र महिला मतदाता ५५ हजार १५ जना रहेका छन् । अन्य तर्फ क्षेत्र नं. १ मा १ जना, क्षेत्र नं. २ मा १ जना र क्षेत्र नंं ३ मा २ जना छन् ।

आयोगले दिएको जानकारी अनुसार कास्कीमा १ सय ५३ मतदान स्थलमा ३ सय ४५ केन्द्र रहने छन् । जस अन्र्तगत कास्की निर्वाचन क्षेत्र नं. १ मा ६१ स्थलमा १ सय ४० केन्द्र,क्षेत्र नं. २ मा ३३ स्थलमा ७९ केन्द्र र क्षेत्र नं. ३ मा ५९ स्थलमा १ सय २६ केन्द्र रहने छन् । प्रतिनिधी सभाको १६५ स्थानका लागि फागुन २१ गते निर्वाचन हुँदैछ ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।