लमजुङमा एमाले उपाध्यक्ष पृथ्वीसुब्बा गुरुङ पराजित

प्रतिनिधिसभा सदस्य निर्वाचनमा नेकपा एमालेका उपाध्यक्ष पृथ्वीसुब्बा गुरुङ पराजित भएका छन् ।

लमजुङबाट प्रतिनिधिसभा सदस्य निर्वाचन उमेद्वार रहेका गुरुङ, राष्ट्रिय स्वतन्त्र पार्टीका धर्मराज केसीसँग पराजित भएका हुन् । मुख्य निर्वाचन कार्यालय लमजुङका मुख्य निर्वाचन अधिकृत शिशिरराज ढकालका अनुसार रास्वपाका केसीले ३३ हजार ८९८ मत प्राप्त गरी विजयी भए । एमालेका गुरुङले १६ हजार ८७६, नेपाली कांग्रेसका गमप्रसाद गुरुङले १६ हजार ५६९ र नेपाली कम्युनिष्ट पार्टीका हरिजङ्ग तामाङले तीन हजार ३७१ मत प्राप्त गरे ।

कुल एक लाख ३७ हजार १२४ मतदाता रहेको जिल्लामा ७५ हजार ४६० मत खसेको छ ।उनी २०४३ सालदेखिका सबै संसदीय निर्वाचनमा उम्मेदवार बनेका छन् । २०४३ सालमा लमजुङ क्षेत्र २ बाट जनपक्षीय उम्मेदवार बनेका उनी ०४८ मा मालेका तर्फबाट उम्मेदवार बनेर पराजित भएका थिए ।नेपालको संसदीय राजनीतिमा सबैभन्दा बढी निर्वाचनमा उम्मेदवार बन्नेहरूमा गुरुङ पनि एक हुन् ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।