‘कोरोना संक्रमितको डाक्टर संक्रमित स्वयम् हो’

प्रतिकात्मक तस्बीर

काेभिड–१९ कोरोना संक्रमण भएको ३४ औं दिनमा चाैथाे पटक दिएको पीसीआर रिपोर्ट आइतवार नेगेटिभ आएको छ । कोरोना संगको लडाईमा आइसोलेशनमा रहदा स्वास्थ्यलाभको कामना गर्नु हुने, बिभिन्न माध्यमबाट हौसला प्रदान गर्नु हुने, घरमै आएर उर्जा थप्नु हुने सम्पूर्णमा हार्दिक आभार तथा मुरी मुरी धन्यवाद ।

कोरोनाको उपचार गर्ने डाक्टर संक्रमति स्वय‌ आफै हो । कोरोना भाइरसको औषधी, खोप अहिले सम्म बनिसकेको छैन् । दीर्घ रोगी भए पहिले जुन जुन औषधी सेवन गर्नु हुन्छ त्यो औषधी नियमित सेवन गर्नु नै प¥यो । बाँकी औषधी भनेको संक्रमणको बेला जे जे समस्या आइलाग्छन त्यही त्यहीको औषधी प्रयोग गर्ने हो । जस्तै ज्वरो आए ज्वरोको, खोकी लागे खोकीको । कोभिडको औषधी त बनेकै छैन । अर्को प्रमुख औषधी भनेको कोरोनालाई परास्त गर्न सक्छु भन्ने आत्म विश्वास, मनोबल उच्च बनाउनु नै हो । नियमित तातोपानीको बाफ लिने, तातो पानी, बेसार पानी, तातो सुप प्रशस्त खानुहाेस । पौष्टिक खाना, कागती पानी, अदुवा नियमीत रुपमा रुटिङ मिलाएर खाने र व्यायाम गरेमा यसलाई सजिलै जित्न सकिन्छ । बृद्ध बुवाअामा, बालबालिका र दीर्घ राेगीलाई भने स्याहार सुसार र नियमीत खानपान मिलाउनु पर्ने हुन्छ । अाकस्मिक स्वास्थ्य समस्या जटिल बन्न सक्छ । त्यसलाई ध्यानमा राख्दै सक्ने अवस्था भए घरमै अक्सिजन दिन मिल्ने गरि तयारी गर्दा स्वास्थ्य जटिल बनिहालेकाे अवस्थामा अस्पताल सम्म लग्न सहज हुने छ ।

कोरोनालाई सजिलै जितिन्छ भनेर स्वास्थ्यको ख्याल नगर्ने, अनुशासनमा नबस्ने हो भने कोरोना काल पनि बन्न सक्छ । कति जनाले रक्सी खाए कोरोना लाग्दैन भन्ने गरेकाे पाइएकाे छ । कोरोना संक्रमितले पनि एक दुई प्याक रक्सी पिए ठीक हुन्छ भन्ने समेत सुनिदै आएको छ । यसो गर्नु आप्नो स्वास्थ्यमाथी खेलवाड गर्नु हुने छ । होम आइसोलेशनमा रहेका बिरामीले स्वास्थ्यको बढी ख्याल गर्नु पर्छ । अस्पतालमा रहेका बिरामीलाई आकस्मिक रुपमा केही भइहाले स्वास्थ्य कर्मी डाक्टर निगरानीमा हुन्छन तर होम आइसोलेशनमा रहेकाका लागि त्यो सुबिधा हुँदैन । त्यसैले श्वासप्रश्वासमा समस्या भएमा वा अरु कुनै जटिल समस्या आएमा तुरुन्तै डाक्टर संग सम्पर्क गर्नु पर्दछ । कोरोना संगको लडाईमा रहनु भएका सबैलाई छिटो निको हुनुहोस हार्दिक शुभकामना छ ।

कोरोनालाई यस अघि नै परास्त गर्नु हुने सबैलाई बधाई । तर कोरोना जिते भनेर ढुक्क हुने अवस्था भने छैन् । बैज्ञानिकलाई मात्र होइन भगवानलाई समेत तीन छक पार्दै मानव कालकाे रुपमा फैलिएकाे काेरोना एक पटक लागेपछि फेरि सर्दैन भन्ने कुनै बैज्ञानिक आधार अहिले सम्म छैन् । त्यसैले कोरोनालाई जिते पनि पहिलेको जस्तै सर्तकता अपनाएर सुरक्षित रहनु पर्ने छ । सबैले स्वास्थ्यको ख्याल गर्नु होला । सुरक्षित रहनु होला । Finally, my PCR test is negative. Thank you to everyone who prayed and encouraged me during the time I was in isolation.

सबैमा हार्दिक धन्यवाद तथा आभार ।

कोरोना संक्रमित बराल पत्रकार हुन् ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।