वडा नं ३२ मा शहीदप्रति श्रद्धाञ्जली र घरदैलो

नेपाल कम्युनिष्ट पार्टी(माओवादी केन्द्र)) पोखरा–३२ ले सुरु गरेको निर्वाचन लक्षित घरदैलो कार्यक्रममा जनसहभागिता बढिरहेको छ । स्थानीय तह निर्वाचनमा एकल उम्मेदवारी दिएको माओवादीले केही दिनदेखी सो वडामा निरन्तर घरदैलो गरेर भोट मागिरहेको छ ।
मंगलबार तालखोलाबाट सुरु भएको घरदैलोमा जनयुद्धका क्रममा शहीद भएका छोटेलाल चौधरीको स्मरणमा देउराली फेदीमा श्रद्धाञ्जली कार्यक्रम आयोजनारी शहीदप्रति सम्मान व्यक्त गरिएको थियो । तालखोला, कपुजे, मालेपाटन, ढोरवेशी, देउराली फेदी हुँदै आँपुखोलासम्म घरदैलो गरिएको थियो ।
सो वडामा माओवादी केन्द्रले वडाध्यक्षमा भवानी पौडेललाई उम्मेदवार बनाएको छ । खुला सदस्यमा अर्जुन मल्ल र गोकुल विक, महिला सदस्य गंगा पौडेल र दलित महिला सदस्य बसन्ती विक रहेको वडा कमिटीका अध्यक्ष यज्ञप्रसाद अधिकारीले जानकारी दिए ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।