राष्ट्रिय खुल्ला स्नुकर प्रतियोगिता पोखरामा भदौ १२ गतेदेखि हुने

पोखरा, साउन २९

पोखरामा भदौ दोश्रो सातादेखि राष्ट्रिय खुल्ला विलियार्ड स्नुकर प्रतियोगिता हुने भएको छ । नेपाल विलियार्ड स्नुकर तथा पुल संघ र कास्की जिल्ला विलियार्ड स्नुकर तथा पुल संघको संयुक्त आयोजनामा पोखरामा आगामी भदौ १२ गतेदेखि १९ गतेसम्म प्रथम राष्ट्रिय खुल्ला स्नुकर प्रतियोगिता–२०७९ हुन लागेको हो । प्रतियोगिता पोखरा–८ स्थित डेभिज् स्नुकर क्लवमा सञ्चालन हुने आईतबार पोखरामा आयोजित पत्रकार सम्मेलनमा जानकारी दिईयो ।

विलियार्ड स्नुकर खेलको विकास, बिस्तार र प्रवद्र्धन गर्ने उद्देश्यले आयोजित प्रतियोगितामा देशभरका खेलाडीले सहभागिता जनाउन पाउने संघले जनाएको छ । प्रतियोगितामा करीब एक सय जना प्रतियोगिता सहभागि हुने अपेक्षा गरिएको प्रतियोगिता संयोजक शंकर गुरुङले बताए । उनका अनुसार विलियार्ड स्नुकरका चर्चित खेलाडीहरु प्रतियोगितामा सहभागिताका लागि आउँदैछन् । खेल नकाउटका आधारमा हुने उनले बताए ।

स्नुकर खेलपनि प्रतियोगितात्मक खेल नै हो भन्ने बुझाउन प्रतियोगिता आयोजना गरिएको संघका अध्यक्ष सागरकुमार साईले जानकारी दिए । ‘खेल बुझाउँदै यसप्रति रुची बढाउने र नया खेलाडी उत्पादन गर्ने प्रतियोगिताको उद्देश्य हो’–उनले भने ।

प्रतियोगितामा प्रथम हुनेलाई १ लाख ५१ ह्जार १ सय ११, द्वितीय हुनेलाई ७१ हजार १ सय ११ र सेमीफाईनल पुगेका दुई जनालाई जनही १५ हजार १ सय ११ प्रदान गरिने अध्यक्ष साईले बताए । त्यस्तै प्रतियोगिताका हाईएस्ट ब्रेकरलाई २१ हजार १ सय ११ रुपैयाँ प्रदान गरिने उनले बताए ।

प्रतियोगिता समापनको अवसरमा विलियार्ड स्नुकर खेल स्थापित गर्न महत्वपूर्ण योगदान दिने व्यक्तिहरुलाई सम्मान गरिने संघका महासचिव सविन जिसीले जानकारी दिए ।

प्रतियोगिता सम्पन्न गर्न करीब १८ लाख खर्च लाग्ने अनुमान गरिएको संघले जनाएको छ । सञ्चालन खर्च प्रदेश सरकार, पोखरा महानगरपालिका तथा विभिन्न संघसंस्था र व्यक्तिहरुबाट संकलन गरी जुटाईने अर्थ समिति संयोजक प्रदीप रसाईलीले बताए ।

प्रथम राष्ट्रिय खुल्ला स्नुकर प्रतियोगिता–२०७९ बारे जानकारी गराउँदै आयोजक । तस्बिर ः सन्देश÷नागरिक

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।