एमाले गण्डकीको पदाधिकारीमा पृथ्वी सुब्बा समूहका सबै बिजयी, खगराज समूह निल

पोखरा, असोज १८

नेपाल कम्युनिष्ट पार्टी (नेकपा) एमाले गण्डकी प्रदेश कमिटीको अध्यक्षमा नवराज शर्मा निर्वाचित भएका छन् । एमाले उपमहासचिव पृथ्वी सुब्बा गुरुङ समूहका शर्माले प्रतिष्पर्धी खगराज समूहका मायानाथ अधिकारीलाई १ सय ६६ मतान्तरले पराजित गर्दै शर्मा पुनः अध्यक्षमा चयन भएका हुन् । अध्यक्षमा निर्वाचित शर्माले ५ सय ३१ मत प्राप्त गर्दा पराजित अधिकारीले ३ सय ६५ मत प्राप्त गरे । अध्यक्षमा निर्वाचित शर्मा एमाले गण्डकीका तदर्थ समितिका अध्यक्ष हुन् ।

उपाध्यक्षमा पिएस समूहकै मीनबहादुर गुरुङ निर्वाचित भए । उनले प्रतिष्पर्धी खगराज समूहका बाबुराम विकलाई १७२ मतान्तरले पराजित गर्दै उपाध्यक्षमा निर्वाचित भएका हुन् । निर्वाचित गुरुङले ५३४ मत प्राप्त गरे भने पराजित विकले ३६२ मत प्राप्त गरे । सचिवमा पिएस समूहका धनञ्जय दवाडी निर्वाचित भए । उनी प्रतिपष्पर्धी खगराज समूहका रश्मि आचार्यलाई १४४ मतान्तरले पराजित गर्दै बिजयी भए । बिजयी दवाडीले ५२० मत प्राप्त गर्दा पराजित आचार्यले ३७६ मत प्राप्त गरे । उपसचिवमा पिएस समूहका दामबहादुर विक विजयी भए । पिएस समूहका सन्तोष रावललाई १०२ मतान्तरले पराजित गर्दै विक बिजयी भए । बिजयी विकले ४९९ मत प्राप्त गर्दा पराजित रावलले ३९७ मत प्राप्त गरे । उपसचिव महिलामा पिएस समूहका मञ्जु अधिकारी प्यासी बिजयी भईन् । उनी खगराज समूहकी मीना गुरुङलाई १६६ मतान्तरले पराजित गर्दै बिजयी भएकी हुन् । बिजयी अधिकारीले ५३१ मत प्राप्त गर्दा पराजित गुरुङले ३६५ मत प्राप्त गरिन् ।

सदस्यमा भने मिश्रित नतिजा आएको छ ।

विहीबार भएको मतदान राती अवेर सकिएपछि मतगणना शुक्रबार विहानसम्म गरिएको थियो । विहीबार भएको मतदानमा ८ सय ९६ मत खसेको थियो । एमाले गण्डकीमा कुल ९०७ प्रतिनिधि थिए । तर अन्यले मतदान गरेनन् ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।