पोखरा, मंसिर २३
नेकपा एकीकृत समाजवादी (नेकपा एस)का अध्यक्ष माधवकुमार नेपालले राजिव गुरुङ उर्फ दीपक मनाङेलाई गण्डकी प्रदेशको मन्त्री बनाउन मुख्यमन्त्री सुरेन्द्रराज पाण्डेले आलटाल गरेको आरोप लगाएका छन् । गठबन्धन दलहरुबीच आफ्नो पार्टी नेकपा एसलाई प्रदेश सदस्य जितेको सबै प्रदेशको मन्त्री परिषदमा सहभागिता गराउने सहमति भएपनि गण्डकीका मुख्यमन्त्री पाण्डेले पालना नगरेको आरोप लगाएका हुन् । मनाङेलाई मन्त्री बनाउन आफूले मुख्यमन्त्री पाण्डेलाई भनिसकेपनि नटेरेको भन्दै उनले भने,‘एकपटक अस्ती मन्त्री बनाउन आलटाल नगर्नूसु भनिसकेँ । आज फेरी फोन गरेर मन्त्री मण्डलमा सहभागि गराउन ढिलाई नगर्नूस् भन्छु ।’
अध्यक्ष नेपालले नीतिगत रुपमा मन्त्री परिषदमा सहभागिता गराउने भन्ने सहमति भइसकेपनि व्यवहारमा कार्यान्वयन नभएको बताए । गण्डकीमा नीति तथा योजना आयोगको सदस्यमा सहभागिता गराउने विषय कार्यान्वयन भएपनि मन्त्री बनाउने विषय भने कार्यान्वयनमा नआएको उनको भनाई छ । नीतिगत रुपमा मनाङेलाई मन्त्री बनाउन मुख्यमन्त्री सहमत भएपनि कार्यान्वयनमा ढिलासुस्ती गरेको अध्यक्ष नेपालको आरोप छ ।
अध्यक्ष नेपालले मनाङे पार्टीप्रति प्रतिबद्ध भएको बताए । नेकपा एस गण्डकीका ईञ्चार्ज तुलबहादुर गुरुङबाट मनाङेबारे जानकारी लिएको बताउँदै उनले भने,‘उहाँ पार्टीप्रति प्रतिबद्ध हुनुहुन्छ । पार्टी गतिविधिमा सामेल हुनुहुन्छ, भन्नुभो ।’ उनले पार्टीप्रति प्रतिबद्ध भइसकेपछि मनाङेलाई मन्त्री बनाउने जिम्मेवारी आफ्नो र पार्टीको भएको बताए ।
गुण्डा नाईकेको छवी बनाएका मनाङे गण्डकी प्रदेश सभा सदस्यमा मनाङ क्षेत्र नम्बर (ख)बाट सर्वसम्मत निर्वाचित भएका हुन् । सर्वसम्मत रुपमा निर्वाचित मनाङे पछि नेकपा एसमा प्रवेश गरेका थिए ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पर्यटन विभागले यही कात्तिक ११ देखि १५ गतेसम्म देशका विभिन्न स्थानमा भारी…
