शिशिर उजाड
पोखरा
पोखरा महानगरपालिका वडा नं. १३, आर्बामा हुने पोखरा एन्ड्युरो साईक्लिङ रेस प्रतियोगिताको सम्पुर्ण तयारी पुरा भएको छ ।
डाउन टिल डस्क प्रालिको आयोजनामा यही कात्तिक २७ देखि २९ गतेसम्म आर्बाको महाप्रभु धाममा चल्ने तेस्रो संस्करणको प्रतियोगितामा साइक्लिङको डाउनहिल एक दशमलव ६ किलोमिटरको दूरीमा नेपाल सहित विभिन्न १३ देशका साईक्लिस्टले प्रतिस्पर्धा गर्ने वडाध्यक्ष किरण बरालले जानकारी दिए । नेपालसहित, अस्ट्रेलिया, सिंगापुर, क्यानडा, जर्मन, अमेरिका, ओमान, जापान, श्रीलंका सहितका साईक्लिष्टहरुको सहभागिता हुने पक्का भएको छ । प्रतियोगितामा ६० साईक्लिस्टले भाग लिने छन् भने ६ इभेन्टमा प्रतिस्पर्धा गराईने प्रालिका प्रवन्ध निर्देशक एवं रेस निर्देशक सुनीलचन्द्र शर्माले बताए ।
जुनियर १२ देखि १८ वर्षसम्म, पुरुष एलिट १९ वर्षमाथि खुला महिला १९ वर्षदेखि माथि, मास्टर ए पुरुष ३० देखि ३९ वर्षसम्म मास्टर बी पुरुष ४० देखि ४९ वर्षसम्म र भेट्रान्स पुरुष ५० वर्षमाथिको उमेर समूहमा प्रतिस्पर्धा हुने प्रालिले जनाएको छ । ३० वर्षदेखि साइक्लिङ क्षेत्रमा काम गर्दै आएका रेस निर्देशक शर्माले आर्वासहित मणिदिप क्षेत्रलाई साइक्लिङको गन्तव्य बनाउन विगत ३ वर्षदेखि प्रतिस्पर्धा आयोजना गर्दै आएको बताए । विभिन्न ६ साइक्लिङ रेसका लागि ट्रेल बनाइएको छ । प्रतिस्पर्धामा उत्कृष्ट पाँच प्रत्येक इभेन्टकालाई साईक्लिङ एसोसिरिज पुरस्कार स्वरुप प्रदान गरिनेछ । उत्कृष्ट जम्प गर्ने साईक्लिस्टले ३० हजार बराबरको पुरस्कार प्रदान गरिने प्रालिले जनाएको छ ।
यस प्रतियोगिताले आर्बाको पर्यटन विकास मात्र नभई पोखराको खेल पर्यटनलाई विश्वमाझ पुर्याउने वडाध्यक्ष बरालले बताए । आर्बालाई साईक्लिङका हब बनाउने उद्देश्यसहित प्रालिले सन् २०२० देखि काम सुरु गरेको थियो ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखराको मासबारमा रहेको स्टेप वाई स्टेप मा. वि.मा अन्तरसदनात्मक नेपाली भाषा कौशल…
