पोखराका केही क्षेत्रमा हुने भनिएको विद्युत अवरोध नहुने(सुचनासहित)

शिशिर उजाड
पोखरा

पोखरामा विद्युत वितरण हुने फिडरमा समस्या आएपछि, कुँडहर सवस्टेशनको बसबार कार्य स्थगित भएको छ ।

नेपाल विद्युत प्राधिकरण , गण्डकी प्रादेशिक कार्यालय, पोखरा वितरण केन्द्रले शुक्रबार दिउँसो सुचना जारी गरि हाललाई सो कार्य स्थगित गरेको जनाएको छ ।आज बिहान भने ५ घण्टा विद्युत काटिएको थियो । कुँडहरस्थित १३२ केभी सव स्टेशनमा बसबार गरी सट डाउन गरिएको लाईन संचालन गर्ने क्रममा अत्याधिक लोडका कारण समस्या उत्पन्न भएको प्राधिकरणले जनाएको छ । प्रतिकुल मौषमका कारण अत्याधिक लोड वृद्धी भई सम्पुर्ण ११ केभी फिडरहरुमा समस्या उत्पन्न भएको र पावर ट्रान्र्सफर पनि ओभरलोड भई ट्रिप भएको प्राधिकरणद्वारा जारी सुचनामा भनिएको छ ।

मौषम अनुकुल भएपछि मात्रै सो कार्य सुचारु गर्ने गरी हाल स्थगीत गरिएको केन्द्रका प्रमुख जितेन्द्र यादवले जानकारी दिए ।पछिल्लो समय पोखरामा ग्राहक संख्या बढेसँगै विद्युत खपत र माग पनि बढेकाले अपग्रेडका लागि मर्मत गर्न भनि प्राधिकरणले आज देखि २० गतेसम्म बिहान ६ देखि ११ बजेसम्म विद्युत कटौती गर्ने जनाएको थियो ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।