सन्देश श्रेष्ठ
पोखरा, माघ २४
पोखरामा हुने सफल पोखरा अन्र्तराष्ट्रिय म्याराथन अन्तर्गत शनिबार ह्वीलचेयर र दृष्टिविहीन् दौड सम्पन्न भएका छन् । शनिबार पोखरा रंगशालामा सम्पन्न दृष्टिविहीन दौड प्रतियोगितामा पुरुषतर्फ लमजुङका विसु तामाङ प्रथम, म्याग्दीका सोनम विक द्वितीय र स्याङ्जाका युवराज भण्डारी तृतीय भए ।
दृष्टिविहीन दौड प्रतियोगितामा महिलातर्फ स्याङ्जाकी देवी बराल प्रथम, पोखरा अमरसिंहकी शर्मिला सुनार द्वितीय र कास्कीकै कृष्टिना पौडेल तृतीय भईन् ।
त्यस्तै, ह्वीलचेयर दौडमा पुरुषतर्फ कास्कीका भरत अधिकारी प्रथम, तनहुँका जीवन श्रेष्ठ द्वितीय र कास्कीकै सुरेश गौली तृतीय भए ।
ह्वीलचेयर दौड महिलातर्फ स्याङ्जाकी पुनम विक प्रथम र कास्कीकी अञ्जु बराल द्वितीय भए ।
दृष्टिविहीन तथा ह्वीलचेयर दौडमा प्रथम, द्वितीय र तृतीय हुनेले १० हजार, ७ हजार र ५ हजार पुरस्कार प्राप्त गरे । प्रतियोगिताको नेपाली सेनाको पश्चिम पृतनापती भोलानाथ थापाले गरेका थिए ।
सफल पोखरा अन्र्तराष्ट्रिय म्याराथनको ग्राण्ड ईभेन्ट भने फागुन २ गते हुने आयोजक नेपाल भुतपूर्व खेलाडी मञ्चले जनाएको छ । प्रतियोगिताको तयारी अन्तिम चरणमा पुगेको मञ्चका पूर्व अध्यक्ष तेजबहादुर गुरुङले जानकारी दिए ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
लायन्स क्लव अफ पोखरा हेमजाको लायन वर्ष २०२६–२७ का लागि नयाँ कार्यसमिति…
