ज्ञानमार्ग टोल विकास संस्थाले हरेक महिना टोलमा सरसफाई गर्ने

पोखरा, फागुन १६

पोखरा–४ गैह्रापाटनमा रहेको ज्ञानमार्ग टोल विकास संस्थाले हरेक महिना टोलमा सरसफाई गर्ने भएको छ । संस्थाले शनिबार टोल सरसफाई गर्दै हरेक महिना टोलमा सरसफाई गर्ने अभियान शुरु गरेको हो ।

संस्थाका अध्यक्ष मीनु कोईरालाको नेतृत्वमा गरिएको सरसफाईमा टोलका महिला तथा पुरुषहरुको बाक्लो सहभागिता रहेको थियो । टोलको माथिल्लो क्षेत्रबाट शुरु भएको सरसफाई नवीन स्कुल क्षेत्रमा पुगेर टुंगिएको थियो ।

संस्थाका अध्यक्ष मीनु कोईरालाले मासिक सरसफाई अभियान शनिबारबाट शुरु भएको बताईन् । यो शुरुवात हो,उनले भनिन्,‘अबदेखि हरेक महिना मासिक क्यालेण्डर नै बनाएर सरसफाई गर्छौं ।’ उनले सरसफाईसँगै सचेतना अभियान पनि सञ्चालन गरिएको बताईन् ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।