जिल्ला समन्वय समिति कास्कीका प्रमुख लिलाधर पौडेलले आम नागरिकका बिच बीमा सम्वन्धि सचेतना पुर्याउनुपर्नेमा जोड दिएका छन् ।
स्थानीय तहका जनप्रतिनिधिसंग बीमा तथा पन्जिकरण सम्बन्धि अभिमुखिकरण कार्यक्रमको सोमबार पोखरामा उद्घाटन गर्दै उनले बीमा सचेतनाका लागि सबै सेवा प्रदायक संस्थाहरू कटिबद्धताका साथ लाग्नु पर्ने बताए । बीमा दाबी ,भुक्तानीमा जटिलता देखिएको आम सर्बसाधारणहरूको गुनासो रहेको उल्लेख गर्दै प्रमुख पौडेलले सो प्रक्रिया सरलिकृत बनाउनेतर्फ ध्यान दिन सरकारी निकाय र बीमाको नियामक निकाय बीमा प्राधिकरणले विशेष ध्यान दिनुपर्ने र सेवा प्रबाह थप प्रभाबकारी र ब्यबस्थित बनाउनुपर्ने उल्लेख गरे ।
कार्यक्रममा कार्यपत्र प्रस्तुत गर्दै नेपाल बीमा प्राधिकरण गण्डकी प्रादेशिक कार्यालयका प्रमुख शम्भुप्रसाद मिश्रले नेपालमा कृषि बीमाको व्यबस्था , सो सम्बन्धि विद्यमान ऐन कानुनहरू ,अनुदान सम्बन्धि व्यबस्था ,बीमा शुल्क दाबी तथा भुक्तानी सम्बन्धि ब्यबस्थाका बारेमा प्रकाश पारेका थिए ।त्यसैगरी कास्कीका सहायक प्रमुख जिल्ला चित्राङ्गत बरालले नागरिकता, राहादानी लगायत पन्जिकरणका समस्या र समाधान बिषयमा सहजीकरण गरे । रूपा गाउँपालिका वडा नं. २ का वडाध्यक्ष राजन सुबेदी ,माछापुच्छ्रे गाउँपालिकाका प्रमुख कार्यकारी अधिकृत केशब सुबेदी लगायतले प्रस्तुत कार्यपत्र माथि टिप्पणी गरेका थिए ।
प्राधिकरण गण्डकी प्रादेशिक कार्यालयका प्रमुख मिश्रको अध्यक्षतामा आयोजित कार्यक्रमको संचालन जिल्ला समन्वय अधिकारी नवराज बराल र स्वागत नेपाल बिमा प्राधिकरण गण्डकी प्रादेशिक कार्यालयका सहायक निर्देशक कबिता पाण्डेले गरेकी थिईन् ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सरकारले सशस्त्र प्रहरी बल, नेपालको महानिरीक्षक पदमा सशस्त्र अतिरिक्त प्रहरी महानिरीक्षक नारायणदत्त…
