पोखराको अग्रणी सामाजिक संस्था नव आदर्श सामुदायिक विकास समाजले भोटेकोशी बाढी प्रभावितका लागि राहत सामाग्री रसुवा पठाएको छ ।
गत भदौं १० गते भोटेकोशीमा आएको विनासकारी बाढीबाट प्रभावित भएका नागरिकका लागि समाजले संकलन गरेको राहत सामाग्री सोमबार रसुवा पठाईएको समाजका अध्यक्ष दिनेश भण्डारीले जानकारी दिए । भदौ १६ देखि १८ गतेसम्म संकलन गरिएको करिब १२ लाख ५० हजार बराबरको सामाग्री कर्मा फ्लाईट्ससँगको समन्वयमा रसुवाको बाढी प्रभावित क्षेत्रमा पठाईएको अध्यक्ष भण्डारीले बताए । तीन दिनको बिचमा संकलित खाद्यान्न, लत्ता कपडा,भाडाँवर्तनसहित ४० प्रकारका सामाग्री त्यस तर्फ पठाईएको हो ।
एल सि ब्रदर्श युनाईटेड र बिभिन्न देशमा रहेका भातृ संस्थासँगको सहकार्यमा समाजले राहत अभियान नै संचालन गरेको थियो ।जसमा चामल, तेल, विस्कुट, चाउचाउ, खानेतेल, सेनेटरी प्याड,पि म्याट, जुत्ता चप्पलसहितका सामाग्री संकलन भएको थियो । समाजले यस अघि नै बाढी पिडितको लागि १ लाख ११ हजार १११ रुपैयाँ सहयोग गरेको छ ।उसले सो रकम प्रधानमन्त्री दैवी प्रकोप उद्धार कोषमा जम्मा गरेको थियो ।
समाजले विगत २८ बर्षदेखि संचालन गर्दै आएको लामाचौर तीज महोत्सव देशमा उत्पन्न विषम परिस्थितीलाई मध्यनजर गर्दै स्थगित गरेको छ ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
कविडाँडा राष्ट्रिय आख्यान पुरस्कारका लागि ३ वटा कृति छनोट भएका छन् ।…
