धम्पुस पोखरी घोताने चेलीबेटी समूह, पोखराले रसुवाको भोटेकोशी बाढीपीडितका लागि १ लाख रूपैयाँ आर्थिक सहयोग प्रदान गरेको छ ।
सङ्कलित रकमलाई प्रधानमन्त्री दैवी प्रकोप उद्धार राहत कोषको आधिकारिक खातामा दाखिला गरेपश्चात् समूहकी अध्यक्ष मायाकुमारी गुरुङले स्वदेश तथा विदेशमा रहेका सम्पूर्ण नेपालीहरूलाई सहयोगको हात फैलाउन अपिल गरेकी छन् ‘आपतविपतको समयमा संसारभर छरिएर रहेका सम्पूर्ण नेपाली दाजुभाइ तथा दिदीबहिनीहरूले मन फुकाएर थोपाथोपा गरी मद्दत एवम् सहयोग गरौँ,’ अध्यक्ष गुरुङले भनिन् । तीज पर्वको अवसरमा हुने परम्परागत दर खाने कार्यक्रमको खर्च कटौती गरी समूहले उक्त रकम सङ्कलन गरेको हो । धम्पुस पोखरीकी चेली तिलकुमारी गुरुङले वैदेशिक रोजगारीका क्रममा जापानबाट पठाएको ३० हजार ५ रुपैयाँ समेत कोषमा जम्मा गरिएको जानकारी विष्णु गुरुङ ‘एकता’ ले दिइन् ।
धम्पुस पोखरी, घलेल, लान्द्रुक, कुदवीडाँडा, बरालडाँडा, घाचोक र लाहाचोक गरी ७ विभिन्न गाउँका १ सय २० भन्दा बढी चेलीबेटीहरू तीजमा एकै ठाउँमा भेला भई भोजभतेरमा हुने खर्चलाई बाढीपीडितको राहतमा लगाउने सामूहिक निर्णय गरेका हुन् । सचिव जगन गुरुङका अनुसार तीजको खुसीलाई सामाजिक सेवामा जोड्दै चेलीबेटीहरूले यो परोपकारी कदम चालेका हुन् ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा । गण्डकी प्रदेशमा नसर्ने रोगका बिरामीको संख्या बढ्दै गएको तथ्याङ्क सार्वजनिक…
