एकिकृत समाजबादीसँग पार्टी एकताको विपक्षमा रहेकामाओवादी केन्द्रका नेता जनार्दन शर्मा आज बसेको सचिवालय बैठकमा अनुपस्थित भएका छन् ।
शनिबार बसेको बैठकमा शर्माले समाजवादीसँगको एकता रोक्नुपर्ने लिखित प्रस्ताव पेस गरेर बैठकबाट बाहिरिएका थिए । सचिवालय बैठकमा संयोजक पुष्पकमल दाहाल ‘प्रचण्ड’ले शर्मा बैठकमा नबसी बाहिरिएपछि अराजकताको संज्ञा दिएका थिए ।प्रवक्ता अग्निप्रसाद सापकोका अनुसार शर्मा आजको बैठकमा उपस्थित नै भएनन्।बैठकमा आन्तरिक संगठनात्मक विषयमा छलफल गरेको छ । सचिवालय बैठकमा केन्द्रीय समितिको बैठक मंगलबार बस्ने निर्णय भएको पार्टी प्रवक्ता सापकोटाले बताए । “संयुक्त भेला, एकीकृत समाजवादीलगायत एकतामा आउनेसँगको बैठक कात्तिक २० गते बस्ने तय भएको छ,” बैठकपछि सञ्चारकर्मीसँग सापकोटाले भने ।
बैठकमा अन्य दलसँगको एकतापछि हुने संगठनात्मकलगायत विषयमा पनि छलफल भएको छ ।देशमा अहिले देखिएको विषम सङ्कटको चुनौतीलाई सामना गर्न बृहत् वामपन्थीबिच एकीकरण हुन लागेको सापकोटाले जिकिर गरे । वामपन्थीबिच एकता र ध्रुवीकरण जेनजी आन्दोलनको भावना विपरीत नभएको उनको भनाइ छ ।प्रवक्ता सापकोटाले २० गते संयुक्त बैठक बसेर एकता घोषणा गर्ने निर्णय भएको जानकारी दिए ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, कात्तिक ११ कास्कीको माछापुच्छ«े गाउँपालिकामा पाँच जना मिलेर साथीको हत्या…
