पाँचौ मञ्जुबहादुर स्मृति छात्र ह्याण्डबल प्रतियोगितामा पालिखेचोकस्थित प्रतिभा मावि च्याम्पियन भएको छ ।
कास्की जिल्ला ह्याण्डबल संघको आयोजनामा पोखरामा शनिबार भएको फाइनल खेलमा प्रतिभा मावि च्याम्पियन बनेको हो । निकै प्रतिस्पर्धात्मक फाइनल खेलमा प्रतिभाले गुरूकुल मावि विरुद्ध झिनो १ गोलले जत हात पर्न सफल भएको छ । फाइनल खेलमा प्रतिभाले १२ गोल गर्दा गुरुकुलले ११ गोल गरेको थियो । प्रतिभा च्याम्पियन भएसँगै नगद २० हजार र गुरुकुलले नगद र १० हजारका साथमा ट्रफी, मेडल तथा प्रमाणपत्र हात पारेका छन् । त्यस्तै सो प्रतियोगितामा प्रगती माबि र पोखरा एकेडेमीले तेस्रो स्थान हात पारे ।
दुईदिन सम्म सञ्चालन भएको प्रतियोगितामा गुरुकुलका संस्कार गुरूङ वेष्ट प्लेयर, प्रतिभाका सुजल पुन सर्वाधिक गोलकर्ता, गुरुकुलकै सितल गुरुङ बेष्ट गोल गोलकिपर तथा प्रतिभाका विशाल नेपाली उत्कृष्ट प्रशिक्षक घोषित हुँदै ट्रफी र प्रमाणपत्र प्राप्त गरे । प्रतियोगिताको मुख्य प्रायोजन स्व. बस्नेतको नाउँमा स्थापित मञ्जु बहादुर बस्नेत मेमोरियल ट्रष्टले गरेको थियो । स्वर्गिय बस्नेतका छोरा विशाल बस्नेत राष्ट्रिय ह्याण्डबल टिमका कप्तान तथा नेपाली जुनियर ह्याण्डबल टिमका प्रशिक्षक समेत् हुन् । बिजेता टिम तथा खेलाडीहरुलाई कास्की जिल्ला ह्याण्डबल संघका अध्यक्ष चित्रबहादुर थापा, नेपाल बास्केटबल संघका उपाध्यक्ष जुम प्रसाद गुरूङलगायतले नगद, ट्रफी, मेडल तथा प्रमाणपत्र वितरण गरेका थिए । समापन तथा फाइनल खेलको शुभारम्भ जिल्ला खेलकुद विकास समिति कास्कीका अध्यक्ष मिलन गुरूङले गरेका थिए ।
प्रतियोगितामा बाग्लुङसहित विभिन्न जिल्लाका ८ टिमको सहभागिता रहेको थियो । प्रतिभा माबिका निर्देशक राकेश जोशिले प्रतिभाले खेल क्षेत्रमा हरेक वर्ष छलाङ मार्दै आएको बताए ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
पोखरा, १३ भदौ । नेपाली महिलाहरूको महान् पर्व हरितालिका तीजको अवसरमा पोखरा…
