सन्देश श्रेष्ठ
पोखरा, भदौ १६
जिल्ला खेलकुद विकास समिति कास्कीले भोटेकोशी बाढी पीडितको लागि एक लाख रुपैयाँ सहयोग गरेको छ । जिल्ला खेलकुदले अध्यक्ष मिलन गुरुङसहित सम्पूर्ण पदाधिकारी तथा सदस्यहरुको एक वर्षसम्मको भत्ता प्रधानमन्त्री दैवी प्रकोप उद्धार कोषमा जम्मा गरेको हो । जम्मा गरेको रकमको भौचर जिल्ला खेलकुदले कास्कीका प्रमुख जिल्ला अधिकारी (सिडिओ) कुमानसिंह गुरुङलाई हस्तान्तरण ग¥यो ।
समितिका अध्यक्ष मिलन गुरुङले समितिका सम्पूर्ण पदाधिकारी तथा सदस्यहरूको एक वर्षसम्मको बैठक भत्ता बाढी पीडितलाई सहयोग गर्ने निर्णय भएअनुसार प्रधानमन्त्री दैवी प्रकोप उद्धार कोषमा जम्मा गरिएको बताए । ‘सामाजिक उत्तरदायित्व अन्तर्गत विपद् प्रभावित नागरिकको सहयोगका लागि आर्थिक सहयोग गरेका हौं’–उनले भने ।
अध्यक्ष गुरुङले विपदका कारण दुःखमा परेका नागरिकको साथमा हामी पनि छौं है भनेर हातमा हात र साथमा साथ दिनका लागि सहयोग गरिएको बताए ।
जिल्ला खेलकुद विकास समिति कास्कीले राहत सहयोगसँगै पोखरा रंगशालाको भौतिक संरचना निर्माण, संरक्षण, सरसफाइ तथा व्यवस्थापनमा काम गरिरहेको छ ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, भदौ १६ पोखरेली व्यवसायी नारायणप्रसाद पौडेल सम्बद्ध ३ संस्थाले बाढी…
