पोखरा महानगरपालिका वडा नं. १४ मा बसोबास गरिरहेका नेवार समुदायको भेलाले नेवाः खलः चाउथे गठन गरेका छन् ।
आफ्नो समुदायको भाषा , कला, संस्कृति र रीतिरिवाजको संरक्षण तथा संवर्धन गर्ने उद्धेश्यले गठन गरिएको संस्थाको अध्यक्षमा सुमित्रा मल्ल उदास चयन भएकी छन् । संस्थाको उपाध्यक्षमा शर्मिला श्रेष्ठ , सचिवमा मिरोज नारायण जोशी , कोषाध्यक्षमा प्रकाश श्रेष्ठ र सह सचिवमा राधामाया कर्माचार्य चयन भए । त्यस्तै सदस्यहरुमा सृजना राजभण्डारी , सुशिला प्रधान , झलक नारायण श्रेष्ठ , शिवकुमार श्रेष्ठ , लुना श्रेष्ठ र लक्ष्मी ताम्राकार छन् ।
नयाँ कार्यसमितिलाई साहित्यकार दीपक समीप, नेपाल भाषा पत्रिकाका प्रधान सम्पादक उदयबहादुर अमात्य र समाजसेवी बुद्दबहादुर ताम्राकार उदासले शुभकामना दिदैं नयाँ पुस्ताहरुलाई आफ्नो भाषा , कला र संस्कृति बुझ्न र बुझाउनको लागि समिति सफल हुने बताए । नव निर्वाचित अध्यक्ष उदासले वडाभित्र बसोबास गरिरहेका सम्पूर्ण नेवार समुदायलाई समेटेर आफ्नो कला संस्कृतिलाई जोगाउने, नेवारी चाड पर्व र जात्राहरुको प्रवर्धनका लागि प्रयास गर्ने बताईन् ।
उपाध्यक्ष शर्मिला श्रेष्ठले आफ्नो जन्मथलो छोडेर यहाँ बसोबास गर्नु हुने नेवारहरुलाई गोलबद्द गर्दै भाषा र संस्कृति सिक्न सिकाउन प्रेरित गर्ने उद्देश्यले संस्था गठन गरिएको जानकारी दिईन् । त्यस वडामा बिभिन्न जिल्लाबाट आएर स्थायी वा अस्थायी रुपमा नेवार समुदायको उल्लेख्य मात्रामा बसोबास गरेका छन् ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
नेपाली कांग्रेसको १५औँ महाधिवेशन आजदेखि काठमाडौँमा सुरु भएको छ । ‘परम्पराको सम्मान…
