नेपाली सेनाको त्रिभुवन आर्मी क्लबका खड्गबहादुर खड्काले आठौँ संस्करणको धारा नेपालगञ्ज म्याराथनको उपाधि जितेका छन्।
नेपालगञ्जमा भएको म्याराथनमा खड्काले निर्धारित दूरी २ घण्टा २० मिनेट २८ सेकेन्डमा पूरा गर्दै उपाधि हात पारेका हुन्।
म्याराथनमा दोस्रो र तेस्रो आर्मीकै क्रमश: नरेन्द्रसिंह रावत र मोहनदेव जोशी भए। रावतले निर्धारित दूरी २ घण्टा २२ मिनेट २९ सेकेन्डमा तथा जोशीले २ घण्टा २४ मिनेट ३६ सेकेन्डमा पूरा गरे।
यसअघि, सातौँ संस्करणको धारा नेपालगञ्ज म्याराथनको उपाधि एपीएफ क्लबका किरणसिंह विष्टले जितेका थिए।
उपाधि विजेता खड्काले १ लाख ५० हजार रुपैयाँ पुरस्कार जिते। दोस्रो भएका रावतले ६० हजार र तेस्रो भएका जोशीले ३० हजार रुपैयाँ पुरस्कार जिते।
यस्तै आठौँ संस्करणकै महिला हाफ म्याराथनको उपाधि बागमती प्रदेशकी सन्तोषी श्रेष्ठले जितिन्। उनी सातौँ संस्करणकी समेत च्याम्पियन हुन्। उनले निर्धारित दूरी १ घण्टा १६ मिनेट ४१ सकेन्डमा पूरा गर्दै ६० हजार पुरस्कार जितिन्।
म्याराथनमा दोस्रो भएकी अञ्जली चौहानले निर्धारित दूरी १ घण्टा २५ मिनेट १५ सकेन्डमा पूरा गर्दै ३० हजार पुरस्कार जितिन् भने तेस्रो भएकी अञ्जु खड्काले १ घण्टा ३६ मिनेट ४४ सेकेन्डमा पूरा गर्दै १५ हजार पुरस्कार जितिन्।
हरेक वर्ष मंसीर ५ गते आयोजना गरिँदै आएको म्याराथन यस वर्ष प्रतिनिधि सभा र प्रदेश सभा निर्वाचनका कारण २ साता पर धकेलिएको हो।
प्रतियोगिता क्रियटिभ ह्याण्ड्सको आयोजना तथा क्रियटिभ गन्ज मिडिया एण्ड इभेन्ट म्यानेजमेन्टको व्यवस्थापनमा भएको हो।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, कात्तिक ११ कास्कीको माछापुच्छ«े गाउँपालिकामा पाँच जना मिलेर साथीको हत्या…
