इन्धनको मूल्य समायोजन : पेट्रोल र डिजेलको मूल्य बढ्यो, खाना पकाउने ग्याँसको मूल्य घट्यो

साउन १६ पोखरा ।नेपाल आयल निगमले पेट्रोल, डिजेल र मट्टितेलको मूल्य बढाएको छ । निगमले मंगलबार मध्यराती १२ बजेदेखि लागू हुनेगरि पेट्रोल, डिजेल र मट्टितेलको मूल्य स्वचालित प्रणालीअनुसार बढाएको हो । यस्तै खाना पकाउने एलपी ग्याँसको मूल्य भने घटाएको आज साँझ एक विज्ञप्ती जारी गर्दै जनाएको छ ।

भारतबाट नयाँ मूल्य आएलगत्तै निगमले स्वचालित प्रणालीअनुसार मूल्य समायोजन गरेको हो ।

मूल्य समायोजनसँगै पेट्रोलमा प्रतिलिटर ९ रुपैयाँ डिजेल र मट्टितेल प्रतिलिटर ७/७ रुपैयाँ बढेको छ ।

यस्तै त्यस्तै खाना पकाउने एलपी ग्यासको मूल्य भने प्रतिसिलिण्डर १ सय ३० रुपैयाँ घटेको छ ।

यो सँगै अब पेट्रोलको मूल्य प्रतिलिटर १७३ रुपैयाँ तथा डिजेल र मट्टितेल प्रतिलिटर १५३ रुपैयाँ पुगेको छ । खाना पकाउने ग्यासको मूल्य अब प्रतिसिलिण्डर १६६० रुपैयाँ पर्नेछ ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।