जाजरकोट भुकम्प पीडितलाई एनवाईईएफ पोखराको दुईलाख राहत

पोखरा, कात्तिक २१

नेपाली युवा उद्यमी मञ्च पोखराले जाजरकोट भुकम्प पीडितका लागि नगद दुई लाख रुपैयाँ राहत उपलब्ध गराएको छ । एनवाईईएफ पोखराले जाजरकोट भुकम्पबाट क्षेती पुगेको जाजरकोट र रुकुम पश्चिमसहितका जिल्लाका भुकम्प पीडितहरुलाई तत्कालका लागि राहत स्वरुप नगद दुई लाख रुपैयाँ सरकारमार्फत वितरण हुनेगरी प्रदान गरेको हो ।

एनवाईईएफ पोखराले सो राहत नेपाल सरकारको एक द्वार नीति अन्तर्गत खर्च हुनेगरी भुकम्प पीडित राहत कोषमा जम्मा हुनेगरी गण्डकी प्रदेशका मुख्यमन्त्री सुरेन्द्रराज पाण्डेलाई चेक हस्तान्तरण गरेको छ । गण्डकी प्रदेश सभा सदस्य विन्दुकुमार थापाको उपस्थितिमा एनवाईईएफ पोखराका अध्यक्ष निरन केसीले मुख्यमन्त्री पाण्डेलाई चेक हस्तान्तरण गरेका हुन् ।

एनवाईईएफ पोखराका अध्यक्ष केसीले राहत सहयोगको लागि अप्नाइएको एकद्वार प्रणाली प्रशंसा योग्य भएकाले सो अनुसार प्रभावकारी रुपमा राहत उपलब्ध हुने अपेक्षा व्यक्त गरे । उनले आगामी दिनमापनि एनवाईईएफले सरकारसँग हातेमालो गरिरहने प्रतिबद्धता जनाए ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।