जबरजस्ती करणी गरेर फरार प्रतिवादी १० वर्षपछि पोखराबाट पक्राउ

पोखरा, बैशाख २३

जबरजस्ती करणी गरेर फरार भएका प्रतिवादी १० वर्षपछि पक्राउ परेका छन् । जबरजस्ती करणी गरेर फरार भएका स्याङ्जाको चापाकोट नगरपालिका वडा नम्बर ७ स्थायी घर भई हाल जिल्ला कास्की पोखरा महानगरपालिका वडा नम्बर १५ क्रान्तिटोल बस्ने ३७ वर्षिय पुर्णबहादुर गुरुङलाई कास्की प्रहरीले पक्राउ गरेको हो । उनलाई वडा प्रहरी कार्यालय रामबजारबाट खटिएको प्रहरी टोलीले आज विहान ८ बजे पक्राउ गरेको हो प्रहरीले जनाएको छ ।

गुरुङले अन्य ३ जनासहितको सहभागितामा १० वर्षअघि २०७१ साल असार ६ गते साँझ ८ः३० बजेको समयमा पोखरा–१५ शिवशक्ति चोकस्थित क्रान्तिकारी टोल नजिकै बस्ने ४२ वर्षिया एक महिलालाई सामुहिक वलात्कार गरेको आरोप छ । सो बेला उक्त समूहले बाटो छेकेर घेराबन्दीमा पारी मुख थुनेर जबरजस्ती बलात्कार गरेको पीडितले दाबी गरेकी थिईन् । सोहि आरोपमा परेको मुद्धामा तत्कालीन कास्की जिल्ला अदालतले २०७९ साल कात्तिक २३ गते ११ वर्ष कैद र २५ हजार जरिवाना गर्ने फैसला गरेको थियो । फैसलापश्चात गुरुङ फरार रहँदै आएका थिए ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।