भारतको एक अस्पतालमा आगलागी, कम्तिमा १० नवजात शिशुको मृत्यु

भारतको महाराष्ट्रस्थित एक अस्पतालमा आगलागी भएको छ ।

आगलागी हुँदा कम्तिमा १० जना नवजात शिशुको मृत्यु भएको छ।

समाचार एजेन्सी पीटीाईका अनुसार महाराष्ट्रको भण्डारा जिल्लास्थित अस्पतालमा आगलागी हुँदा १० नवजात शिशुको मृत्यु भएको हो।

शनिबार बिहान दुई बजेतिर अस्पतालको नवजात शिशु स्याहार केन्द्रमा आगलागी भएको थियो। त्यहाँबाट सात जना शिशुलाई भने सुरक्षित रुपमा उद्धार गरिएको छ। भण्डारा मुम्बईबाट ९०० किलोमिटर टाढा छ।

नवजात शिशुहरुको मृत्यु भवनमा धुँवा भरिएका कारण भएको बताइएको छ। अस्पतालका सिविल सर्जन डाक्टर प्रमोद खन्डाका अनुसार ३÷४ बच्चाको मृत्यु जलेर भएको छ भने बाँकीले अक्सिजन नपाएर ज्यान गुमाउनुपरेको देखिएको छ।

सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।