तस्बीरः एजेन्सी
इजरायलले गए राति पनि सिरियामा आक्रमण गरेको छ।
इजरायली सेनाले सिरियामाथि ४ दिनदेखि लगातार मिसाइल हमला गरेको सिरियाबाट प्राप्त भएको समाचारमा जनाइएको छ।
इजरायलले सिरियाली शहर होम्समा हमला गरेको सिरियाली अधिकारीहरुले बताएका छन्। बुधबार मध्यरातिदेखि होम्स शहरमा इजरायलले लगातार मिसाइल हानेको उक्त समाचारमा उल्लेख छ।
सिरियाली सैन्य अधिकारीहरुले इजरायलले गएको ४ दिनदेखि लगातार यहाँ हमला गरेको छ। यहाँको सरकारी समाचार समिति सानाले सो समाचार दिएको छ। बुधबार राति र बिहीबार राति पनि इजरायली सेनाले सिरियाली शहर होम्स र उत्तरी शहर अलेपोमा हमला गरेको सिरियाली सरकारी समाचार समिति सानाले जनाएको छ।
बुधबार, जस्तै बिहीबार पनि मध्य सिरियाली शहर होम्सको क्वासेर क्षेत्रमा सो हमला केन्द्रित रहेको पाइएको छ। उक्त क्षेत्रमा सिरियाली सेनाले पनि प्रतिरक्षा गरेर मिसाइल प्रहार गरेको छ। त्यसबाट भएको हताहतको समाचार भने आएको छैन। ती आक्रमणबाट के कति मानिस हताहत भएका छन् भन्ने बारेमा खोजी भएको बताइएको छ।
इजरायली सेनाले यसअघि पनि सिरियामा हमला गर्ने गरेकोमा केही दिनयता रोकिएको थियो। तर, अहिले गएको ४ दिनदेखि निरन्तर रुपमा इजरायलले सिरियामाथि हमला गरिरहेको छ। गत सोमबारदेखि इजरायलले उत्तरी सिरियाली सहर अलेपोमा आक्रमण गरेको थियो र अहिले पनि सो क्रम जारी नै रहेको यहाँका अधिकारीहरुले जनाएका छन्।
रासस / सिन्ह्वा
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, कात्तिक २५ होटल संघ पोखरा, नेपालको आयोजनामा बुधबार पोखरामा आयोजित…
