नेपालीहरुको महान पर्व बडादशैं, दीपावली, नेपाल सम्वत्, छठ, तथा इदको अवसरमा नेपाली कांग्रेस पोखरा महानगर वडा नं. ६ इकाई बैदामले शनिबार शुभकामना आदानप्रदान तथा चियापान कार्यक्रम आयोजना गरेको छ । नेपाली कांग्रेस कास्कीका युवा नेता तथा गण्डकी प्रदेशका भौतिक पूर्वाधार विकास योजना तथा यातायात मन्त्री कुमार खडकाको प्रमुख आतिथ्यतामा कार्यक्रम भएको थियो ।
कार्यक्रममा मन्त्री खडकाले कम्यूनिष्ट साषकहरुले देश र जनताको भन्दा आफ्नो मात्र स्वार्थ हेर्दा देशको अवस्था बिग्रेको आरोप लगाए । उनले अब कांग्रेस नेता र कार्यकर्ताले मन भित्रका विकृति र नराम्रा कुराहरुलाई दिमागबाट हटाएर राम्रा कुरा मात्र लिएर अगाडि वढ्नु पर्नेमा जोड दिए ।
उनले प्रदेश सरकारले कोरोनाबाट मृत्यु भएका परिवारलाई जनही रु पचास हजार सहयोग प्रदान गरेको बताउदै गण्डकी प्रदेशमा अब जेष्ठ नागरिक र मिर्गाैला रोगीको लागि डायलोसिस र महिलाहरुको पाठेघरको मुखको क्यान्सरलाई निशुल्क औषधि उपचार गरिने बताए । उनले बैदाममा बन्न लागेको विपि स्मृति भवन निर्माणका लागि प्रदेश सरकारबाट रु पाँच लाख सहयोग प्रदान गर्ने प्रतिबद्धता ब्यक्त गरे ।
पूर्व कास्की जिल्ला सभापति तथा महासमिति सदस्य खेमराज पौडेलले बैदाम क्षेत्र काग्रेस उर्वर भुमि रहेको बताउँदै बैदाम कांग्रेस अग्रजले देखाएको बाटोमा हिड्न सुझाव दिए ।
इकाइ सभापति सन्तोष पौडेलले अब नेपाली कांग्रेसको पहिलो काम कम्यूनिष्टलाई परास्त गरेर स्थानिय चुनावमा वडाको पाचै सिट जित्ने रहेको बताए ।
तरुण कास्कीका अध्यक्ष मनोज गुरुङले तरुण यूवाहरुलाई साथ लिएर अघि बढे मात्र काग्रेसको भविष्य उज्वल रहने बताए ।
पोखरा महानगर पालिका वडा न ६का अध्यक्ष जगतबहादुर पहारीले बैदाममा रहेका बसुन्धारा पार्क, कोमागाने पार्क र क्याम्पिङ पार्कलाई ब्यवस्थित गरि पर्यटकीय स्थल बनाउन प्रदेश सरकारलाई आग्रह गरे ।
पूर्व वडा अध्यक्ष तथा जग्गा दाता होमबहादुर लामिछानेले काग्रेसमा अहिले अग्रजलाई सम्मानगर्ने परिपाटी हराएकोले अग्रजहरुको राय सुझाव र सल्लाहमा अघि बढन नेतृत्वलाई आग्रह गरे ।
क्षेत्र नं. ३ का सभापति पोषनाथ शर्माले आगामी निर्वाचनमा तिनै तहमा कांग्रेसलाई जिताउन कांग्रेसजन एक भएर लाग्नु पर्ने बताए ।
महानगर नेका सभापति सुरेन्द्रमान विजुक्छेले वडा एकाई महानगरको जग भएकोले वडा एकाई बलियो भएपछि मात्र महानगर बलियो हुने बताए ।
यस्तै पर्यटन ब्यवसायी तथा क्षेत्रिय प्रतिनिधि गणेशबहादुर भट्टराईले प्रजातन्त्र जोगाइ राख्ने पार्टी नेपाली काग्रेस भएको भन्दै काग्रेस एकजुट भएर अगाडी बढ्नु आवश्यक्तामा जोड दिए ।
कार्यक्रममा एकाइ उपसभापति शिवजी कुँवर, महिला सघं एकाइ सभापति मन्धरा ढकाल, नेपाल कम्युनिष्ट पाटि एकिकृत समाजबादी ६का अध्यक्ष गिरीराज अधिकारी, सचिव शिब जिसी र प्रकाश न्यौपाने लगायतले पनि बोलेका थिए ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
काठमाडौं । ज्ञानले अज्ञानको अन्धकार हटाउने गुरुजनप्रति सम्मान व्यक्त गर्दै आज देशभर…
