पोखरा, ४ वैशाख ।
पोखरा ८ नागढुङ्गास्थित श्रेना युनिसेक्स सैलुन एण्ड टेनिङ्ग सेन्टरले पोखरा ३१ बेगनासतालमा शाखा बिस्तार गरेको छ । नेपाल व्यूटिसियन संघकी केन्द्रीय अध्यक्ष भगवती खड्काले लेखनाथ उद्योग वाणिज्य संघका अध्यक्ष छत्रधर आत्रेय, नेपाल व्यूटिसियन संघकी केन्द्रीय उपाध्यक्ष चिनु गुरुङ र नेपाल प्रेस युनियनका निवर्तमान अध्यक्ष नवीन सिग्देलको उपस्थितिमा आइतबार शाखा उद्घाटन गरिन् ।
शाखा उद्घाटन गर्दै अध्यक्ष खड्काले महिलालाई सफल बनाउन परिवार र समाजको सकारात्मक सहयोग आवश्यक पर्ने बताईन् । उनले महिलाहरु चुनौतिलाई छिचोल्दै अघि बढ्न आवश्यक रहेको आवश्यक्ता औंल्याईन् ।
लेखनाथ उद्योग वाणिज्य संघका अध्यक्ष छत्रधर आत्रेयले हरेक व्यवसायका लागि सीप आवश्यक रहेको बताए ।
करीब २० लाखको लगानीमा शाखा सञ्चालन गरिएको हो । ‘यो पहिलो शाखा हो, सञ्चालनमा ल्याउँन पाउँदा खुशी छु, संचालक शर्मिला रानाभाटले भनिन् । अन्य स्थानमा पनि शाखा बिस्तार गर्ने तयारीमा छु ।’
रानाभाट विगत १३ वर्षदेखि व्यूटिसियन पेशामा आवद्व छिन् । रानाभाटले आठ वर्ष कुँवेतमा रहेर व्यूटिसियन पेशा ग । कुँवेतबाट फर्केपछि पाँच वर्ष अघि पोखरा ८ नागढुङ्गामा श्रेना युनिसेक्स सैलुन एण्ड टेनिङ् सेन्टर सञ्चालनमा ल्याएकी थिईन्। उनले गण्डकी प्रदेशका विभिन्न जिल्लाका करिब चार सय जनालाई व्यूटिपार्लर सञ्चालन सम्बन्धी तालिम पनि दिएकी छन् ।
सेन्टरले प्रोफेसनल मेकअप, रसियन हेयर स्टाइल, आइलासिस एक्स्टेन्सन, माइक्रो ब्लेडिङ्गसहित टाटु, जेन्स हेयर कटिङ्ग र प्रेसिङलगायतका सेवा प्रदान गर्दै आएको छ । सेन्टरले राष्ट्रिय र अन्तर्राष्ट्रिय मान्यता पनि पाएको छ । रानाभाट नेपाल व्यूटिसियन संघ कास्कीको अध्यक्ष हुन् ।
स्वरोजगार बन्दै रोजगारीको वातावरण निर्माण गर्न सकेकोमा उनी गर्व गर्छिन् । उनले सात जनालाई रोजगारी पनि दिएकी छिन् । ‘कुराले होइन, कामले आफ्नो पहिचान बनाउनुपर्छ, उनले भनिन्, महिला शशक्तिकरणका लागि अब हिम्मत गर्नुपर्ने समय आएको छ ।’
कार्यक्रम विद्या पराजुलीले सञ्चालन गरेकी थिईन् ।
सर्बाधिकार सुरक्षित गरिएको बारे : यस एभरेस्ट आवाज डटकमबाट सम्प्रेषित कुनैपनि समाचार, लेख, बिचार, टिप्पणी वा अन्य कुनैपनि किसिमको सामग्री सर्वाधिकार सुरक्षित गरिएको छ । यहाँ सम्प्रेषित कुनैपनि सामग्री बिना अनुमति साभार गरेको पाईए कानुनी कारबाहीमा जान बाध्य हुने जानकारी गराउँछौं ।
सन्देश श्रेष्ठपोखरा, कात्तिक २५ होटल संघ पोखरा, नेपालको आयोजनामा बुधबार पोखरामा आयोजित…
